Энэтхэгт хүний араг ясаар дүүрэн нуур байдаг

2. Дүн шинжилгээгээр араг яснуудын зарим нь 12-15-р зуунд хамаарах араг яснууд байгааг тогтоосон байна. Зарим эрдэмтэд уг араг яснуудыг халдварт өвчин, тахалд өртөж, нас барсан үл мэдэгдэх хүмүүстэй холбож үздэг бол зарим нь мөргөл, зан үйлтэй холбоотойгоор амиа егүүтгэсэн хүмүүсийн араг яс гэж үздэг аж.

3. Хэдийгээр нуурыг 1942 онд олж нээсэн боловч 2004 онд Европ болон Энэтхэгийн эрдэмтэн судлаачдын баг Үндэсний газарзүйн сувгийн санаачилгаар энэ нууранд анх ирснээр нуурын аймшигт нууцыг тайлах ажил эхэлсэн байна.

4. Араг яснуудад хийсэн ДНК-гийн судалгаагаар энд байх үхэгсдийн араг яснуудыг жижиг болон арай өндөр гэсэн хоёр ангилалд хуваасан байна. Уг хоёр ангиллын аль аль нь цаг хугацааны хувьд урьд нь гаргасан дүгнэлтээс ч өмнөх цаг үед хамаарах болохыг олж тогтоосон ба шинэ дүгнэлтээр эдгээр араг яснууд Христийн тооллын өмнөх 850 оноос хойш энэ газарт хэвтэж байгаа гэсэн байна.

5. Гавлын яснуудын дагзан дээрх хагархайнууд нь тухайн хүмүүсийн толгойд үхлийн цохилт ирснээс үүдэлтэй ч энэ нь хөрсний гулгалт эсвэл цасны нуранги гэх мэт байгалийн гамшгаас үүссэн зүйл биш, харин крикетийн бөмбөгтэй ойролцоо хэмжээ бүхий мохоо дугуй обьектоос үүссэн байна.

6. Энэ тухайд хамгийн үнэмшилтэй тайлбар бол энд байгаа олон хүмүүс нэг адил зүйлээс болж амиа алдсан ба тэр нь тэнгэрээс унасан ямар нэгэн зүйл байж болох юм гэсэн тайлбар аж.

7. Энэ газарт ямар нэгэн худалдааны зам байсан гэх түүхэн нотолгоо байхгүй ч Роопкунд нуур бол 12 жилд нэг удаа болдог Нанда Деви уулын тахилгын газар руу очих мөргөлийн чухал газар бөгөөд эдгээр 500-600 орчим тооны араг яснуудыг бадарчин, мөргөлчингүүд байсан байх магадлалтай гэсэн онол ч бас байдаг байна. Бүгд нэг газраас ирсэн гэгддэг энэ хүмүүсийг тус газар нутгийг сайн мэддэгийн учир хөлсөлж авсан гэж үздэг аж.

8. Нуурын ойролцоо байсан тэдгээр хүмүүс цэвэр ус авахаар толгод уруудаж яваад их мананд төөрсөн ба орогнож нуугдах газаргүй Гималайд олонх нь ясаа тавьсан гэдэг байна. Цэвдэгт нуур тэдний цогцсыг хэдэн зуун жилийн турш муутгалгүйгээр хадгалж ирснээр барахгүй тэдний зарим нь үс болон хумстайгаа тэр ч бүү хэл өмсөж байсан хувцасныхаа үлдэгдэлтэй хадгалагдсан байна.

9. Гэсэн хэдий ч мөргөлчдийн зарим нь нуурын цэвдэгт булшлагдах хувь тавилангаас зугтан гарч, тосгон руу буцаж очин нутгийн иргэдэд энэ тухай хэлснээр өдгөө сонирхолтой домог яриа болж үлдсэн зүйл байдгаас гадна охин тэнгэрийн тухай өгүүлсэн Гималайн эмэгтэйчүүдийн ардын дуунд охин тэнгэрийн уулан дахь байранд хүмүүс халдсанд уурлаж бухимдсан охин тэнгэр хилэгнэхдээ тэнгэрээс чулуун аадар оруулж, тэдгээр хүмүүсийг гэсгээсэн гэж өгүүлдэг байна.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!