Бидний олонх нь Умард Солонгосыг цөмийн зэвсэг, цэргийн хатуу дэглэм, өлсгөлөн, бүхий л зүйлсийг хориглосон дэг жаягтай холбож ойлгодог. Өөрөөр хэлбэл тэнд сайн сайхан зүйл үгүй гэж боддог. Эсвэл энэ нь хэтрүүлэг юм болов уу? Энэхүү фото нийтлэл маань Умард Солонгосын нийслэл Пхеньян хотоор хийсэн фото аялалын гэрэл зургуудаас бүрдэж байгаа ба дэлхийн иргэдийн хувьд хаалттай, хаагдмал ертөнц мэт санагддаг энэ хотын тухай багахан ч болов ойлголтыг өгөх бизээ.
Хотоор аялах гол арга нь унадаг дугуй ашиглах.
Нийслэл хот Пхеньян нь 4 сая орчим хүн амтай. Нийтийн тээвэр сайн хөгжсөн ба троллейбус, трамвай тэр ч бүү хэл тус улсад ганцхан байдаг ч метротой. Хотын зах, хөдөөгийн хүмүүс нь ихэвчлэн машинаар явна.
Пхеньян бол хөшөө дурсгал, түүхийн дурсгалт барилга байшин элбэг хот. Тэрхүү байшин барилгуудын олонх нь Азид төдийгүй дэлхийд томд тооцогддог. Парисын ялалтын хаалгатай адилхан ялалтын хаалга байдаг нь дэлхийн хэмжээнд хамгийн том бөгөөд 1925-1945 оны Японы түрэмгийллийн эсрэг хийсэн Солонгосчуудын дурсгалд зориулагдан босчээ. Ялалтын хаалганы нээлтийн ёслол Солонгосын удирдагч Ким Ир Сений 70 насны ойтой давхцан болсон ба Ким Ир Сений амьдарсан өдрийн тоог илэрхийлсэн 25,550 ширхэг цагаан гантиг чулуугаар бүтээгдсэн байна.
Пхеньяны хоёр дахь өндөр барилга бол Жүчхэ үзлийн хөшөө юм.
Энэхүү хөшөөний сууринд тариачин, ажилчин, сэхээтэн гэсэн нийгмийн гурван гарлыг илэрхийлсэн 3 хөшөө бүхий 9,1 метр өндөртэй хүрэл хөшөө байдаг.
Жүчхэ үзлийн хөшөөнөөс харагдах дүр зурагт Пхеньяны дундуур урсах Тэдонган гол харагдаж байна.
Удирдагчдын хөшөөнд цэцэг өргөхөөр явж байгаа пионерууд. Умард Солонгосын пионерын байгууллагыг Сонёндан гэж нэрлэдэг.
Ажлын цагаар хотын төв эзгүй хоосон байдаг. Учир нь энэ цагаар бүгд ажлаа хийцгээж байдаг. Сүүлийн хэдэн жилээс Пхеньянд орчин үеийн барилгууд үзэгдэх болжээ.
Пхеньян хотын төвийн усан оргилуур
Усан оргилуурын баримал
Умард Солонгосчууд бүгд Ким Ир Сен болон Ким Чен Ирийн тэмдгийг зүүдэг.
Бүх Умард Солонгосчууд ажил хийх ёстой байдаг ба заримдаа хийх ажил дууссан үед модны тайрсан мөчир эсвэл олс зэргийг гараар сүлжиж, баглаа хийх гэх мэт ажлуудыг бодож олж хийлгэдэг. Тэтгэвэрт гарсан хүн ч гэртээ зүгээр суух ёсгүй бөгөөд тэтгэврийн иргэдийн бүлгээс зааж өгсөн зүлэгт талбайг арчилж тордох үүрэг хүлээдэг байна.
Саяхан Пхеньянаас холгүй багахан хэмжээний экопарк байгуулагдсан. Энэхүү паркын нутаг дэвсгэрт Бүгд Найрамдах Ардчилсан Солонгос Ард Улсын бараг бүх ач холбогдол бүхий хөшөө дурсгалуудын жижигрүүлсэн хуулбарууд бүтээгдсэний дотор зураг дээр харагдаж буй Кумганг уул буюу Алмаазан уул харагдаж байна. Энэ уул нь Умард Солонгосын хамгийн үзэсгэлэнтэй газруудын нэг юм.
Энэхүү экопарк нь Умард Солонгосчуудын хуримлагчдын заавал очдог газар болжээ.
Пхеньянаас 20 минут давхиад хүрэх газарт Рёнгак уул буюу Луут уул хэмээх үзэсгэлэнт газар оршдог ба энэхүү газрын сууринд Конфуцийн хуучин сургууль байдаг.
Пхеньянаас холгүй орших өөр нэгэн үзэсгэлэнт газар бол Оын парк буюу Мөнгөн нуур бөгөөд уулсаар хүрээлэгдэн орших энэ нууранд тааламжтай явган хүний замаар хүрдэг.
Умард Солонгосын нутаг дэвсгэр бол ерөнхийдөө уулархаг газар нутагтай. Тал нутаг багатай ч уулсын төрх байдал нь үнэхээр гайхалтай.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
Зочин
2014/02/12 at 03:23
Yu we, hot bol Ulaanbaataraas iluu ym bna doo.
Зочин
2014/02/13 at 03:53
Goe bna minii bodj baisnaas shal oor bna kkkk
Зочин
2014/02/18 at 21:31
tseberhen hot bna
Зочин
2014/02/18 at 23:25
haha manai hotoos hed dahin iluu hugjiltei shvde metrotoi bas lag lag hoteluud bgaa tsewerhen gej jigteihen. saihan gazar shvv