Магадгүй уншигч та хүүхэд байхдаа л буддаг ном будаж байснаа санаж байгаа байх. Харин түүнээс хойш түүнийг зөвхөн дүү нар чинь эсвэл хүүхдүүд чинь будаж байхыг л харсан бизээ. Буддаг номны тухай яриа эхэлсний учир нь сүүлийн үед насанд хүрэгчдэд зориулсан буддаг ном, зурагнууд ихээр хэвлэгдэх болсон явдал юм. Насанд хүрсэн хүн олон өнгийн харандаа бариад зураг будаж суух хэрэг юу байнаа гэсэн бодол танд төрж магадгүй. Тэгвэл буддаг ном, зургийг будах нь хүний стрессийг арилгаж, тайвшруулах онцгой үйлчилгээ үзүүлдэг байна.
Сэтгэлзүйн эмч нар хүртэл энэ аргыг эмчилгээндээ ашиглах болжээ. Тэгэхээр өнөөгийн хэт эрчимтэй амьдрал дунд стрессээ тайлахыг хүсвэл буддаг ном зураг болон өнгийн харандаанууд аваад ширээний ард суух хэрэгтэй аж. Энэ тал дээр Өмнөд Солонгосын Lago студи арай өөр хэлбэрийн буддаг зурагнуудыг томчуудад санал болгож байгаа юм байна. Тус студийн дизайнеруудын бүтээсэн буддаг зурагнуудыг дан нэг өнгөөр тодруулбал шар өнгөөр будах ба үр дүнд нь шөнийн хотын үзэсгэлэн төгөлдөр дүр зургийг харах боломжтой ажээ.
MN
2015/09/19 at 14:46
Гоё юмаа.
Akiura Jay
2015/09/19 at 16:11
Goy yumaa
Зочин
2015/09/19 at 22:34
Энийг хаанаас авах уу? Гоё юм аа.