Японы Киото хот яагаад хоёр жил дараалан дэлхийн шилдэг хотоор шалгарсан бэ?

«Travel + Leisure» сэтгүүл “Дэлхийн шилдэг”-ийг жил болгон шалгаруулдаг бөгөөд энэ жилийн үнэлгээг саяхан зарлажээ.

Сэтгүүлийн уншигчдын үнэлгээгээр дэлхийн очиж үзэх гоё газар, арал, хот, сайн үйлчилгээтэй зочид буудал, онгоцыг эрэмбэлэн жагсаадаг байна. Аялаж үзэх ёстой хотоор Японы Киото хоёр жил дараалан шалгарчээ.

Киото 1000 гаруй жил Японы нийслэл байсан түүхтэй, сэтгэл татсан олон сүм хийд, түүхийн дурсгалт газрууд, зах гэх мэт жуулчдын сонирхолыг татах газрууд олон бий. Доорх зургууд Киото яагаад хоёр жил дараалан дэлхийн хамгийн шилдэг хотоор ялгарсныг батлах буй за.

Киото – гайхамшигтай олон сүм хийдтэй, ЮНЕСКО-гийн дэлхийн өвд бүртгэгдсэн Бёдо-ин буддын сүм

14-р зуунд баригдсан Кинкаку-дзи сүмийг (Алтан ордон) дурдахгүй өнгөрч болохгүй байх. Цэвэр алтаар бүрсэн сүм гялалзаж бүхлээрээ нуурны тусгалд харагдана.

Жуулчдын очих дуртай бас нэгэн газар бол улаан тории (ёс заншлын үүд). 5 км уул өөд өгсөх энэхүү зам Фусими Инари Тайсяны дуганд хүргэнэ. Инари нь худалдаа наймааны бурханд тооцогдох тул хаалга болгоныг Японы өөр өөр компаниудын мөнгөөр босгожээ.

Нисики зах (нөгөө нэр нь Киотогийн гал зуух). 400 жилийн настай, 100 гаруй дэлгүүр, зуушийн газартай. Хүний сонирхол татах зүйл ихтэй газар бөгөөд хоол хүнсний өргөн сонголттой.

Энд байхгүй хоол гэж үгүй, өндгөөр бүрсэн наймаалж гээд л… Ихэнх дэлгүүр нь үнэгүй амталгаатай тул хоосон ходоодтойгоо ирээрэй.

Япон орон тоор жимсний модоороо алдартай. Киото гайхамшигт сакура модоороо жуулчдыг татна.

Хавар Маруяма хүрээлэнд сакура мод цэцэглэх үеэр сакурагийн Ханами баяр болно.
Намар цаг ч мөн жуулчдыг татна.

Намрын өнгийг илүү ойроос мэдрэхийг хүсвэл завь хөлслөн авч Арамияме руу гол уруудан хөвөөрэй.

Киёмидзу-дэрэ буддын сүм нь өндөрт гарч хотыг харахад тохиромжтой газар

Синкансене хурдны галт тэргээр явангаа Фужи уулыг харж нүдээ баясгаж болно. Хурдны галт тэрэг цагт 200 милийн хурдтайгаар давхина.

Киотод очиж үзэх түүхийн дурсгалт газрууд олон бий. Арасиямагийн хулсан ой – бүдүүн мөчир, навчсын шажигнах шуугиан жуулчдыг өөрийн эрхгүй татна. Японы Байгаль орчны яамнаас гаргасан “Японы 100 дурсгалт газар”-ын жагсаалтад оржээ.

Энд сармагчны бүл амьдардаг. Зарим нэг нь Иватаяма сармагчны хүрээлэнд оршин сууна.
Киото хотын нэг чимэг бол жижиг хотын мегаполис юм.

Эндээс та эртний түүх соёлоос авахуулаад орчин үеийн сонин содон зүйлсийг ч олж харна.

Нинэн-зака гудамжийг сэргээн засварлаж хотын эртний барилга байгууламж, өнгө төрхийг хадгалжээ. Гудамжаар уруудсаар Киёмидзу-дера сүмд хүрнэ. Эзэнт гүрний үеэс эхэлсэн түүхтэй гудамж юм.

Киото – орчин үеийн хот. Хотын төвд байрлах худалдаа наймааны Сидзё-Дори дүүрэг Токиогийн дүүрэгтэй өрсөлдөхүйц.

Хотын гудамжаар гейшатай таарна.

Үнэн шүү, тэдэнтэй хаа сайгүй таарна.

Ялангуяа Гионед – гейша нар амьдардаг цөөн тооны Японы дүүргүүдийн нэг юм. Хуучны Киотог санагдуулам хуучны модон байшинтай хөл хөдөлгөөн ихтэй дүүрэг. Уламжлалт цайны газрууд болон зоогийн газрууд ихтэй.

Киотод хоол болгоныг урлаг мэт хүлээн авна. Киотогийн хоол хийх урлагийг Киориори хэмээнэ. Хоол идэх ёс нь маш нарийн: гоёмсог тавган дээр улирлын шинж чанартай жижиг хоолнуудыг тавьж татами дээр суусан хүмүүс бага багаар нь амтархан идэх ажээ.

Амттай сайхан хоол идэхийг хүсвэл Сиракава дүүргийг зориорой. Гионагаас холгүй орших Сиракава сувгийн дагуу орших энэ дүүрэг зоогийн газар, бар-аараа алдартай.

Киотогийн өнцөг болгон бүр хүний сонирхол татах увдистай.

10

Гоё

1

Гайхмаар

0

Ха Ха

0

Хөөрхөн

0

Бахархмаар

0

Харамсалтай

0

Тэнэглэл

0

Буруу

Баярлалаа!