Дэлхийн хоёрдугаар дайны үеийн өр өвтгөм фото зургууд [53 зураг]

Хүн төрөлхтний түүхэн дэх хамгийн аймшигтай, хамгийн олон хүний амийг авч одсон дайн бол Дэлхийн хоёрдугаар дайн байдаг. Ганцхан хүний хүсэл сонирхлоор үүссэн энэ дайн 70 сая хүний амийг залгисан бөгөөд энэхүү дайны тухай өгүүлсэн олон мянган бүтээл, туурвил байдаг. Энд бид Дэлхийн хоёрдугаар дайны үеийн гэрэл зургийн багцыг нийтэлсэн байгаа ба өндөр чанар бүхий энэхүү гайхалтай зургууд тухайн цаг үеийн өр өвдөм нөхцөл байдлыг харуулснаараа онцлог юм. Хэдэн арван жилийн тэртээ үлдэж хоцорсон эмгэнэлт цаг үеийн түүхийн харгуйгаар гэрэл зургийн ертөнцөөр дамжуулан аялаарай.

 

1. The Литвийн хоёрдугаар зэргийн хамгаалагч нарын хамгаалалтанд байгаа хүлэгдэж аргамжигдсан еврей нар. 1941.

 

2. The Литвийн “бие хамгаалах” дагалдагч нарын хамгаалалтан доор яваа еврей эмэгтэйчүүд, хүүхдүүд. 1941. Литви, СССР.

 

3. Siauliai хотын еврей оршин суугчдын буудуулахаар илгээгдэхийн өмнөх дүр төрх. 1941 оны 7-р сар, Литви, СССР.

4. Vinnytsia хот дахь хамгийн сүүлийн еврейг цаазлах гэж буй агшныг харуулсан алдартай гэрэл зураг. Энэхүү цаазыг Германы Einsatzgruppen буюу SS-ийн хагас цэрэгжсэн үхлийн багийн офицер гүйцэтгэсэн бөгөөд тэрээр еврейчүүдийг толгой дараалан хүйс тэмтрэх даалгавар авсан байжээ. Энэхүү зурагны гарчиг дотор талдаа бичигдсэн байдаг байна.
Vinnytsia хотыг Герман цэргүүд 1941 оны 7-р сарын 19-нд эзэлж авсан ба хотод амьдардаг еврей нар дүрвэн зугтахаар төлөвлөгдсөн байв. Yлдэж хоцорсон ганц нэг нь ядуусын хороололд хоригдож байжээ. 1941 оны 7-р сарын 28-нд хотод байсан 146 еврейг буудан хөнөөсөн байна. 8-р сард ч хомроглон хөнөөх явдал үргэлжилсээр байсан ба 1941 оны 9-р сарын 22 гэхэд Vinnytsia хотын ядуусын хороололд хоригдож байсан олонх хоригдол алагдсан байжээ (28.000 орчим хүн). Германы булаан эзлэгч эрх мэдэлтнүүдэд хэрэгтэй байсан учир гар урчууд, техникчид зэрэг ажилчдыг л амьд үлдээж байсан байна.

 

5. Auschwitz руу илгээгдэж буй словак еврейчүүд. 1942 оны 3-р сар, Poprad галт тэрэгний буудал, Словак.

 

6. Auschwitz дахь багш нар.

 

7. Варшавын ядуусын хороолол дахь еврей багш нар.

 

8. SS-ийн цэргүүд Варшавын ядуусын хороололд хоригдож байгаа еврей нарын цувааг харгалзаж байгаа нь. Yймээний дараах Варшавын ядуусын хорооллын устгал.
Энэ зургийг 1943 оны 5-р сард Нацист намын гишүүн, SS-ийн цэргийн командлагч Heinrich Himmler-т өргөн барьсан нацистын SS Jürgen Stroop-ын илтгэлд хавсаргасан байжээ. “Хоргодох байрнаас хүчээр гаргаж байгаа нь” гэсэн герман гарчиг бүхий энэ зураг Дэлхийн хоёрдугаар дайны үеийн хамгийн алдартай зургуудын нэг юм.

 

9. Еврей партизан, гэрэл зурагчин Faye Schulman болон Зөвлөлтийн партизануудын ойд авахуулсан зураг. Faye Schulman 1919 оны 11-р сарын 28-нд Польшид нэгэн өнөр өтгөн гэр бүлд төрсөн бөгөөд 1942 оны 8-р сарын 14-ний өдөр Германууд Lenin хэмээх ядуусын хороололд 1850 еврейг хөнөөсний дотор түүний эцэг эх, эгч, дүү нар нь байжээ. Тэдний гараас ердөө 26 хүн амь гарсны нэг нь Faye байсан юм. Дараа нь тэрээр ой руу зугтаж, партизануудын бүлэгтэй нэгдсэн бөгөөд тэрхүү бүлэг нь голцуу Зөвлөлтийн оргодол хоригдлуудаас бүрдэж байсан байна.

 

10. Улаан армийн хоригдлуудын жагсаал. 1941.
Зургийн гарчигт өгүүлэхдээ: “Олзлогдсон Зөвлөлтийн армийн цэргүүдийн дунд зогсож байгаа энэ эмэгтэй сүүлчийнхээ сумыг дуустал гутамшигтайгаар эсэргүүцэн тэмцэж байсан” гэсэн байжээ.

 

11. A Германы цэргүүд зүсээ хувиргасан хоёр Зөвлөлтийн цэргийг барьжээ. 1941 оны 9-р сар, Киев, Украйнь.

 

12. Зөвлөлтийн хоригдлуудыг Киевийн гудамжнуудад хөнөөсөн юм. Тэдний нэг нь бүстэй цамц, нөгөө нэг нь дотуур өмдтэйгээ байгааг харж болно. Тэд бүгд хөл нүцгэнээс гадна хөл нүцгэн явсны улмаас хөл нь бохирдсон байна. Мөн царай нь туйлдаж ядарсан шинжтэй ажээ. Тухайн цаг үеийн гэрчүүд хоригдлуудыг Киевийн гудамжаар авч явахдаа явж чадахгүй болсныг нь буудан хороож байсан тухай өгүүлдэг.
Энэхүү зургийг Киевийн уналтын дараах 10 хоногт Германы дайны гэрэл зурагчин Johannes Hele авсан байна.

 

13. Зөвлөлтийн хоригдлууд SS-ийн эрчүүдийн хяналтан доор Babi Yar-т буудуулсан нэгнийгээ элсээр булдаг байжээ. Энэхүү зургийг Киевийн уналтын дараах 10 хоногт Johannes Hele авсан бөгөөд Babi Yar бол Киев хотын умард захад орших том гуу жалга юм. Энэ газар Германы хүчинд автсан энгийн иргэд болон хоригдлуудыг бөөн бөөнөөр нь хомроглон хөнөөдөг байсан газар гэдгээрээ алдартай юм. Энд Павловын сэтгэцийн эмнэлгийн 752 өвчтөн, дор хаяж 40.000 еврей хүмүүс, Pinsk хотын цэргийн хөлөг онгоцны зогсоолын 100 орчим далайчин, баривчлагдсан партизанууд, улс төрийн ажилчид, ардын дотоод хэргийн яамны гишүүд, Украйний үндэсний үзэлтнүүдийн байгууллагын 621 гишүүн, дор хаяж 5 цыгануудын хуаран хүйс тэмтрүүлсэн байна. Янз бүрийн тооцоогоор бол 1941-1943 оны хооронд Babi Yar-т 70.000-200.000 хүн алагдсан гэсэн тооцоо байдаг байна. Ёроолоороо мод, бут болон элсээр хагас бүрхэгдсэн энэ газарт амиа алдсан хоригдлуудын зарим нь энгийн иргэний хувцас өмссөн байжээ. Магадгүй тэд хувцсаа сольсноор оргох боломжтой гэж үзэж байсан байх, гэвч тэд бүгд илчлэгдсэн байна. Гууны ирмэг дагууд SS-ийн хамгаалагчид мөрөндөө винтов буу үүрч, бүсэндээ дуулгаа зүүгээд зогсож байгааг харж болно.

 

14. Vyazma хотын ойролцоо олзлогдсон Зөвлөлтийн цэргүүд. 1941 оны 10-р сар.

 

15. A Олзлогдсон Зөвлөлтийн хурандаа. Barvenkovsky муж.
1942 оны 5-р сарын сүүлээр Зөвлөлтийн 6 болон 57-р арми Barvenkovo-гийн ойролцоо дайсанд олзлогдсон ба амжилтгүй болсон дайралтын улмаас Улаан Армийн 170.000 орчим цэрэг, офицерууд алагдаж, хоригджээ.

 

16. A Германы комиссарууд болон коммунистуудыг зааж буй хоригдол цэрэг.

 

17. Хуаран дахь Улаан армийн хоригдлууд.

 

18. Зөвлөлтийн хоригдлууд. Зургийн төвд байгаа хоёр нь шархадсан байна.

 

19. A Герман хамгаалагч “амьд тоглоом”-оор зугаацахаар нохойгоо суллан тавьжээ.

 

20. Хүнд хүчир хөдөлмөрийнхөө завсарлагаагаар амарч байгаа Зөвлөлт хоригдлууд. 1943, Германы Upper Silesia муж.

 

21. Өвлийн хүйтэнд хүнд хөдөлмөр эрхэлж байгаа Зөвлөлтийн хоригдлууд.

 

22. Олзлогдсон дэслэгч генерал Влассов нь Оросын чөлөөлөх армийн ирээдүйн тэргүүн байсан юм. Тэрээр 1942 оны 8-р сард хоригдол болсон ба түүнийг хурандаа Lindemann байцааж байжээ.

 

23. Герман дахь Зөвлөлтийн хоригдлууд болон Германы офицерууд. Тэсрээгүй бөмбөгнүүдийг саармагжуулж байна.

 

24. A АНУ-ын цэргүүд Buchenwald хуаранг Германуудын гараас бүрэн чөлөөлсний дараа Зөвлөлтийн хоригдол хоригдлуудыг зэрлэг балмадаар зоддог байсан хуучин хамгаалагчийг заан харуулж байна. 14.04.1945.

 

25. АНУ-ын армийн эмч сүрьеэ өвчтэй албадан хөдөлмөр эрхэлж байсан ажилчныг үзэж байна. Тэрээр Германы Dortmund хотод нүүрсний уурхайд ажиллаж байсан байна. 30.04.1945.

 

26. A Хөнөөгдсөн эхийнхээ дэргэд буй орос хүүхэд. Беларус дахь иргэдэд зориулсан төвлөрсөн хуаран. 1944 оны 3-р сар.

 

27. Auschwitz-ын төвлөрсөн хуарангаас чөлөөлөгдсөн хүүхдүүд. 1945 оны 1-р сар.

 

28. Олзлогдсон Герман цэргүүд. Ленинград, 1942.

 

29. Wehrmacht хэмээгдэх нацистын германы зэвсэглэсэн хүчнийхэн болон SS-ийнхнээс олзолсон франц цэргүүд Францын чөлөөлөх хүчний 2-р хуягт дивизийн командлагч, генерал Leclerc-ийн өмнө зогсож байгаа нь. Тэд сүртэйгээс гадна маш увайгүй загнаж байсан байна. Генерал Leclerc тэднийг урвагчид хэмээн дуудаж, “Өөр хэн нэгний дүрэмт хувцас өмссөнөөрөө та нар өөрсдийгөө франц хүн гэж нэрлэж болно гэж үү?” хэмээхэд тэдний нэг нь “Чи өөрєє ч бас хэн нэгэн америкийн дүрэмт хувцсыг өмссөн байна” гэж хариулсан нь (тус дивизийг америкчууд хувцас хэрэгслээр хангасан байжээ) Leclerc-ийн уурыг хүргэж, бүгдийг нь буудан хороох тушаал өгсөн байна.

 

30. Германы дайны хоригдлууд хоолонд дугаарлан зогсож байна. Францын өмнөд хэсэг. 1944 оны 9-р сар.

 

31. Германы хоригдлууд Majdanek хэмээх Германы нацистын төвлөрсөн хуаран руу алхаж байгаа нь. Тэд газарт хэвтэн үлдсэн хоригдлууд болон чандарлах зуухнууд руу харж байна. Польшийн Lublin хот. 1944.

 

32. Зөвлөлтийн баривчилгаанаас эргэн ирж буй герман хоригдлууд. Германчууд Friedland хуаранд эргэн ирж байгаа нь. 1955. Герман.

 

33. Америкийн 3-р армийн цэрэг цагдаагийн хамгаалалтанд орсон “Hitler Youth”-ын олзлогдсон залуу цэргүүд. Эдгээр залуус 1944 оны 12-р сард Ardennes дахь ажиллагааны үеэр баривчлагдсан бөгөөд энэ зургийг 1945 оны 1-р сарын 7-нд авчээ.

 

34. A Hitler Youth-ийн нисэх онгоц эсэргүүцэгч, 15 настай Hans Georg Henke-гийн зураг. Түүнийг Америкийн 9-р армийн цэргүүд Германы Giessen хотод баривчилсан байна. 29.03.1945.

 

35. Америкийн 3-р армийнхны баривчилсан Hitler Youth-ийн 14 настай цэргүүд. 1945 оны 4-р сар. Германы Hessen мужийн Berstadt.

 

36. Laubane хотод Adolf Hitler өөрийн Hitler Youth-ийн залуу гишүүдийг Reich Chancellery шагналаар шагнаж байна. Энэ бол түүний хамгийн сүүлийн зургуудын нэг юм. Зургийн төвд Silesia мужийн унаган залуу иргэд зогсож байгаа нь энэ бөгөөд баруун гараасаа хоёр дахь нь 12 настай Alfred Czech, гурав дахь нь 16 настай Wilhelm Hubner юм. Зургийг Германы улс төрч, Гитлерийн хамгийн ойрын туслах Dr. Goebbels гэгч хүн авчээ. 23.03.1945.

 

37. Adolf Hitler өөрийн Hitler Youth-ийн залуу гишүүдийг шагнаж байна.

 

38. A Гранат хөөргөх төхөөрөмжөөр зэвсэглэсэн Hitler Youth-ийн гишүүн хөвгүүн. “Гуравдугаар Reich’ийн хамгийн сүүлчийн итгэл найдвар”.

 

39. Түрүүч Francis Daggett 15 настай Герман цэргийн хамт. Германы Kronach хот. 27.04.1945.

 

40. A Берлиний гудамжин дахь хоригдлуудын цуваа. Нүүрний эгнээнд “Германы сүүлчийн итгэл найдвар”, гэгдсэн Hitler Youth-ийн хөвгүүд мөн Volkssturm буюу Германы ардын журамт цэргүүд. 1945 оны 5-р сар.

 

41. Герман цэргүүдийн гутлыг цэвэрлэж буй орос хүүхдүүд. Беларусь, Bialystok. 1942 оны 11-р сар.

 

42. 13 настай скаут, партизан Fyodor Moshchev. Зургийг авсан хүн зургандаа – “Герман винтов барьсан жаал хүү” гэсэн нэр өгсөн байжээ. Магадгүй энэ бууны бөгсийг тайрсан байгаа нь жаал хүүд барихад хялбар болгох үүднээс биз. 1942 оны 10-р сар.

 

43. Явган цэргийн батальоны командлагч хошууч Romanenko (төвд) залуу скаут, түрүүч Vitya Zhavoronok-т цэргийн хэрэг явдлын талаар яриа хийж байгаа нь. 1941 онд Vitya партизаны хэсэгт нэгдсэн бөгөөд 1943 онд тэрээр Улаан армид сайн дураараа элссэн юм. Түүний фашистуудтай тулалдах дайнд гаргасан зүтгэлийг нь үнэлж Улаан одоор шагнасан байна. Югослав. 1944 оны 10-р сар.

 

44. Залуу партизан Peter Gurko. Pskov-Novgorod партизаны бүс. 1942.

 

45. Партизаны бүлгийн ахлагч залуу партизаныг эр зоригийн одонгоор шагнаж байна. 1942.

 

46. Зөвлөлтийн залуу партизан Nickolai Lubich өвлийн ойд германы 9 мм-ийн MP-38 маркын буу барин зогсож байна. Nikolai Lubich дайнаас амьд үлдэж, нас өндөр болтлоо амьдарсан юм. 1943.

 

47. 15 настай скаут, партизан Misha Petrov 9 мм-ийн MP-38 маркын герман буу барин зогсож байна. Тэрээр Wehrmacht-ийн цэргүүдийн бүсийг бүсэлж, гутландаа RGD-33 тэсрэх бөмбөг хийжээ. Беларусь, 1943.

 

48. Volodya Tarnovsky найзуудынхаа хамт, Берлин. 1945 оны 5-р сар.

 

49. Volodya Tarnovsky Берлинд найз нарын хамт.

 

50. Reichstag-ын баганан дээр гарын үсгээ зурж буй Volodya Tarnovsky. Тэрээр “Seversky Donets – Berlin “, гэж бичээд гарын үсгээ тавьсан бөгөөд мөн л тухайн үеийн цэрэг асан түүний ах түүнд тусалж байна.

 

51. Цэргийн хорооны хүү.

 

52. Түрүүч Vaynshenker болон түрүүч William Topps нар тусгай зориулалтын 169-р агаарын баазын цэргийн хорооны хүүтэй хамт. 10 настай энэ хүүгийн нэр тодорхойгүй бөгөөд тэрээр туслах техникч хийдэг байжээ Украйн. 1944.

 

53. ЗХУ-ын баатар, хошууч Yakov Antonov Германы нисгэгч нараар хүрээлүүлэн зогсож байгаа нь энэ бөгөөд тэрээр мэргэжил нэгтнүүдээ анхааралтай сонсож байна. Энэ яриа мэргэжлийн хүрээнийх гэдэг нь харваас илт ажээ. 25.08.1942.