“Сүнс машин” хэмээх нэртэй Понтиакын тансаг загвар (Pontiac Deluxe Six Ghost Car) нь хэн бүхний унах унаа биш байлаа. Учир нь ихэнх авто машинуудын их биеийг металаар хийсэн байхад энэ машиныг бүтээхдээ Понтиак нэгэн өвөрмөц аргыг сонгосон юм. Тэд энэ загвар дээр Rohm & Haas хэмээх хими технологийн компанитай хамтарсан бөгөөд энэхүү компани “Plexiglas” нэртэй шинэ бүтээгдэхүүнээ дөнгөж танилцуулж байсан үе. Шинэ нээлтээ олонд таниулахын тулд химийн компанийхан гоёмсог машины их биеийг нэвт харагдах шилэн материалаар хийсэн байна.
Понтиак шинэ машинаа Нью Иорк хотноо зохиогдсон “Дэлхийн үзэсгэлэн 1939-1940” арга хэмжээнд General Motors-ийн гаргасан “Highways and Horizons” павилонд байршуулж олон нийтэд анх танилцуулж байжээ. Ихэнх хүмүүс Plexiglas бүтээгдэхүүн юу болохыг харж байгаагүй ч, машины дотор эд анги, хийц бүтцийг нэвт харах нь сонирхолтой байсан аж. Ерөнхий араам бүтцийг зэсээр бүрсэн бол механик эд, хянах самбар зэргийг хром өнгөөр хийсэн байна. Харин дугуй нь цагаан өнгөтэй байж.
Машиныг бүтээхэд 25,000 ам.доллар зарцуулсан бөгөөд энэ нь Понтиак машин үйлдвэрлэх дундаж зардал болох 700 ам.доллартай харьцуулахад хэтэрхий өндөр зардал байсан. RM Auctions компани 2011 энэхүү машиныг дуудлага худалдаагаар оруулж 308,000 ам.доллараар худалдаалжээ.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
