Галзуу эмэгтэйд нүүрээ түлүүлсэн бүсгүй 2 жилийн дараа маскаа тайлжээ

Амьдралынхаа хором мөч бүрийн хайрлаарай таны амьдралд нүд ирмэхийн зуур юу ч тохиолдож болно шүү. Австралийн Перт хотын иргэн 28 настай Dana Vulin гэх энэ эмэгтэй биедээ 3-р зэргийн буюу 60%-ийн түлэгдэл авснаар амьдрал нь орвонгоороо өөрчлөгджээ. Данаг үдэшлэг дээр нөхөртэй нь юм ярилаа гэж хардсандаа эхнэр нь энэ бүх хэргийг хийсэн бөгөөд Данагийн хөөрхөн царайг үгүй хийхийг хүссэн гэж тэр хэлжээ.

Дана бол сэтгэлээр уналгүй зоригтой, тэвчээртэй байж чадсан гайхалтай хүмүүсийн нэг юм. Олон дахин хийсэн нөхөн сэргээх мэс ажлын дараа л нэг юм түүний боолтыг нь тайлж шинэ нүүр царайг нь харах боломжтой болсон юм. Дана өөр харагдаж байгаадаа огт санаа зовоогүй бөгөөд Австралийн Seven Channel-н Sunday Night буюу Ням гарагийн үдэш нэвтрүүлэгт оролцохдоо “тэд миний сорвийг харж байгаа байхаа одоо бол энэ миний нэг хэсэг болсон” гэж хэлжээ.

Түүний өөрчлөлт үнэхээр гайхалтай болсон боловч хамгийн сайхан нь түүний дотоод гоо сайхан болон зориг хатуужил нь юм. Хэрэв Данагийн түүх таныг гайхшруулж байгаа бол цааш нь найзууддаа түгээгээрэй.

Данад халдсан эмэгтэй түүнийг шинэ жилийн үдэшлэг дээр салсан нөхөртэй нь ярилцаж байхыг хараад маш ихээр бухимджээ. Дана зураг дээр зүүн талынх нь (түлэгдэхээс өмнө)

Хартай эхнэр өөр арга боловсруулж эхэлсэн бөгөөд энэ хоорондоо Дана руу залган “Би чиний хөөрхөн царайг үгүй хийнэ” хэмээн сүрдүүлдэг байжээ.

Тэрээр (Natalie Dimitrovska – хартай эхнэр) Данагийн байшинд халдаж орох үедээ мансууруулах бодис хэрэглэсэн байсан нь тогтоогджээ. Тэр Дана руу метилийн спирт шүршээд гал тавьсан байна. Түүний гүйж гарч явах зуураа инээж байхыг нь Дана сонсож чаджээ.

Данагийн бие нь 64% буюу 3-р зэргийн түлэгдэл авсан бөгөөд танигдахын аргагүй болсон байсан гэж ээж нь хэлжээ.

Энэ үйл явдлаас хойш Данагийн амьдралыг харах үзэл өөрчлөгдсөн гэж тэр хэлсэн бөгөөд үүгээрээ ч бахархаж байгаагаа дурдсан байна.

Эдгэрэхийн тулд 30 сарын турш масктай, нүүр нь боолттой байхдаа тэрэнд хэн ч биш болсон юм шиг санагдах үе зөндөө байжээ.

Мөн тэрээр шүүх дээр гэрчээр оролцохын тулд масктайгаа гарч ирж байсан бөгөөд түүнийг ийм болгосон эмэгтэй 17 жилийн ял авсан юм.

Тэр хуучин хэвэндээ орохын тулд нүүрээ боолттой хэвээр ийнхүү тэмцэж явахдаа бас нэгэн хүнд асуудалтай тулгарсан нь эмч нар түүнийг умайн хүзүүний хорт хавдартайг тогтоосон явдал байсан юм.

Мэдээж хэрэг тэрээр бас л бууж өгөхийг хүсээгүй бөгөөд хорт хавдрын хагалгааг ч амжилттай давж хавдраасаа бүрэн салж чаджээ.

Маск зүүсэн байхад яг л нүүргүй, царайгүй юм шиг л санагддаг. Үүнийг өөрөөр тодорхойлж чадахгүй байна гэж Дана хэлжээ.

Ийнхүү маш олон өдөр эдгэрэхийн тулд шаргуу ажилласны эцэст Дана маскаа тайлж зурагтын мэдээгээр гарахыг болон зурагтын загварын шоунд алхахыг зөвшөөрсөн юм.

“Надад үхэхэд маш амар байсан гэвч би юунаас ч хэзээ ч хялбар замыг нь сонгодоггүй учраас одоо ингээд байж байна. Хэн нэгэн надаас одоо өөрийнхөө биеийг хараад ямар санагдаж байна вэ? гэж асуувал би эргэлзэх зүйлгүйгээр бахархаж байна гэж хариулна” гэж Дана хэлжээ.

Түүний түүх хүн бүрт бэрхшээл саадыг даван туулах итгэл найдварыг өгсөн гэж найдаж байна.

Тэр бүх хүмүүсийн өмнө маскаа тайлж харуулахдаа “Миний нүүрийг хар” гэж хэлж байжээ.

Учир нь хүмүүст хүч чадал, итгэл, өөрийгөө хүндлэх хүндэтгэл, зориг, тэвчээр болон шийдэмгий байдлаа харуулахыг хүсчээ.

“Би бол хүчтэй эмэгтэй, энэ түлэгдэлт намайг улам илүү хүчтэй болголоо. Би хэзээ ч өөрчлөгдөхгүй. Би өөрийнхөө мэдэх БИ гэх тэр хүнээрээ бахархаж байна” гэж Дана хэлжээ.

Аливаа хүн дотроосоо ч тэр гаднаасаа ч тэр эрүүл, зоригтой, зөв хүн байх хэрэгтэйг Дана батлан харуулсан бөгөөд одоо тэр амьдралынхаа хором мөч бүрийг баяртайгаар хүлээн авч байгаа билээ

1

Бахархмаар

1

Гайхмаар

1

Гоё

0

Ха Ха

0

Хөөрхөн

0

Харамсалтай

0

Тэнэглэл

0

Буруу

Баярлалаа!