PlayStation 4-ийн “Batman: Arkham Knight” тусгай багц

Sony Computer Entertainment-ын видео тоглоомын консолийн цувралыг бүтээгч алдарт PlayStation салбар Batman: Arkham Knight сэдэвт PlayStation 4 багцаа гаргасан гэдгээ албан ёсоор мэдэгджээ. Гялалзсан гөлгөр загвар бүхий энэхүү багц нь цөөн тоогоор буюу Limited Edition хэлбэрээр гарч байгаа юм байна. Энэхүү тусгай багц нь мөнгөлөг өнгийн зэвэрдэггүй ган төмөр их бие бүхий PS4 систем, адилхан мөнгөлөг гангаар хийгдсэн DualShock 4 утасгүй удирдлага түүнчлэн тоглоом сонирхогчдын зүгээс ихээхэн хүлээлттэй тулгараад байсан Batman: Arkham цувралын хамгийн сүүлийн хэсэг Batman: Arkham Knight тоглоомыг агуулж байгаа аж. Энэхүү багц 449.99 долларын үнээр худалдаалагдах юм байна.

399.99 долларын үнэтэй өөр нэгэн багц байгаа нь PS4 систем болон тас хар өнгөт DualShock 4 удирдлага, тоглоом агуулсан багц юм. PS4-төө Batman: Arkham Knight тоглоомыг худалдан авсан хүн бүрт энэхүү тоглоом ирэх 6-р сард гарахаас өмнө бонус контентыг ашиглах боломж олдох юм байна. Үүнд нь тоглоомын нэмэлт даалгаврууд, Batman болон Batmobile-ын уламжлалт skin-үүд багтаж байгаа ажээ.

Урьдчилсан дижитал захиалгыг PlayStation Store-т аль хэдийнээ аваад эхэлчихсэн байгаа юм байна.

1

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!