Amelia нэртэй энэ охин 3-хан настай байхаасаа төрөл бүрийн амьтадтай хамт зургаа авахуулах болсноор “Amelia and the Animals” хэмээх энэхүү ер бусын фото цувралын зургууд бүрдэж эхэлсэн юм. Энэхүү цувралын зургуудыг охины ээж болох гэрэл зурагчин Robin Schwartz авсан байна.
Robin Schwartz охиныхоо эдгээр зургуудаас бүрдсэн анхны номыг “Amelia’s World” нэртэйгээр 2008 онд хэвлэн гаргаж байсан ба хоёр дахь ном нь 2014 онд “Amelia and the Animals” нэртэйгээр хэвлэгдэн гарчээ. Номонд хэвлэгдсэн анхны зураг болох Amelia охин болон Ricky шимпанзегийн зургийг 2002 онд авсан ба охин тэр үед 3 настай байсан байна. Schwartz-ын өгүүлснээр охин Amelia нь маш зоригтой, ухаантай бөгөөд амьтан нэг бүртэй маш эелдэг зөөлөн, хүндэтгэлтэй харьцдаг төдийгүй тэдэнд тайвшруулах нөлөө үзүүлж чаддаг гэнэ.