Улс орон бүрийн амтат хачиртай талхнууд

Хачиртай талх бол амтлаг зууш бэлтгэх хамгийн амархан бөгөөд хамгийн хурдан хэлбэр гэдэг нь эргэлзээгүй. Хоёр зүсэм талхны дунд бяслаг, зайдас хавчуулахаас эхлээд өөр хэдэн арван өөр төрлийн хачиртай талхыг бэлтгэж болно. Тийм ч учраас дэлхийн бараг бүх улс оронд өөр өөрсдийн хоолны онцлог, уламжлалаас хамааран хачиртай талхыг янз бүрээр бэлтгэдэг бизээ. Дараах фото багцад дэлхийн янз бүрийн улс орны амтлаг хачиртай талхнуудыг харуулжээ.

Вьетнам

Банх ми – Вьетнам хачиртай талх нь кориандр буюу үсүү, халуун чинжүүгээр амталсан шарсан гахайн мах, ногоотой байдаг.

Турк

Донер кебаб нь зөвхөн Туркд ч биш дэлхийн өөр олон улсад түгээмэл зоог билээ. Тортилла, хонины татсан мах, ногоо болон зайдастай байдаг.

Мексик

Уламжлалт мексик семитаг мах, авокадо жимс, цагаан бяслаг, сонгиныг бриоши хэмээх сүлжмэл хөөмөл боовны хооронд хавчуулан бэлтгэдэг.

Колумб

Арепа – Эрдэнэшишийн зузаан талхны завсарт чили соусаар амталсан чоризо хэмээх зайдас хавчуулсан талх.

Япон

Японы кацу-сандо цагаан талхан завсар майонез болон гичээр амталсан шарсан мах хавчуулсан байдаг.

Канад

Хөх тарианы талхан завсар халуун ногоотой утсан махыг гич болон өргөст хэмхээр хачирлан хийсэн хачиртай талх.

Энэтхэг

Вада пав – Ногоон хоолтнуудад төгс тохирох энэ хөнгөн зууш жижиг талх, төмсөн котлетноос бүрддэг.

Австрали

Энэ улсын уугуул иргэд төгс сэндвич бол бяслаг түрхэж, шарсан талх гэж үздэг.

Куб

Шарсан гахайн мах, хиам, бяслаг болон өргөст хэмхийг гичээр амталж, жижиг талханд хавчуулан бэлтгэдэг.

Чили

Чилийн чакарера хэмээх сэндвичийг дугуй хэлбэртэй талхан завсар нимгэн зүссэн цацагт хяруулын мах эсвэл гахайн стейк, улаан лооль, чанасан вандуй, чили перец, ногоон шош хавчуулж бэлтгэдэг.

Венесуэл

Эрдэнэшишийн зузаан талхан завсар гахайн мах, бяслаг, авокадо болон гадил жимс хавчуулж бэлтгэдэг.

Хятад

Шаржигнуур талхан дээр илжигний мах, шанцай, чинжүү тавьж идэхдээ Хятадууд дуртай.

Португал

Португал хачиртай талх нь хиам, гахайн утсан зайдас эсвэл стейкний дээр хайлуулсан бяслаг, улаан лоолийн соус хийсэн байдаг.

Дани

Хөх тарианы талхан дээр загасны мах, сам хорхой, элэгний нухаш, чанасан өндөг, шинэхэн улаан лооль болон төрөл бүрийн бяслаг тавьсан Дани сэндвич

Герман

Ихэвчлэн үхэр, гахайн мах, бэкон, сонгиныг гичээр амтлан талхтай олгодог.

Франц

Багет талхны завсарт хиам, цөцгийн тос, бяслаг болон өргөст хэмх хавчуулсан жамбон бер.

Өмнөд Африк

Төмс, зайдас, кетчуп, салаттай сэндвич

Нидерланд

Урт шарсан махыг гичээр амталж, талханд хавчуулсан энэ сэндвичийг халуунаар нь амтат шар буурцагны соус асгаад идэх нь гол аж.

Польш

Цагаан талхны хэрчим эсвэл багет талхны тал дээр шарсан мөөг, бяслаг зарим тохиолдолд махтай бэлтгэж, дээр нь кетчуп асган хэрчсэн гогод цацаад Польшийн запеканка бэлэн болно.

Финлянд

Хоёр хэрчим талхан завсар зайдас, хэрчсэн сонгино, салат хавчуулж, гич эсвэл кетчуп асган бэлтгэдэг.

Аргентин

Чоризо зайдсыг шаржигнуур талхан завсар чимичурри эсвэл пебре соустай хавчуулж бэлтгэдэг. Мөн дээр нь шарсан өндөг нэмж болно.

Пуэрто-Рико

Үхэр, гахай, тахиа эсвэл хиам гэх мэт гурван төрлийн гриллдсэн мах, шарсан төмс, гадил, шанцай, бяслаг, зайдас, нэг зүйл ногоон ургамлаас бүрддэг.

Испани

Тал багетыг гахайн мах эсвэл загасны мах, өндөг заримдаа улаан лоолиор хачирладаг.

Малайз

Тал багетыг хутгасан өндгөнд дүрэн хайруулын тавганд шарж бэлтгэдэг энэ сэндвичний гол орц нь өндөг, сонгино бөгөөд сардин загас, тахиа, үхэр, хурганы махны аль нэгийг нэмдэг.

Серби

Төрөл бүрийн махтай бэлтгэдэг ч голчлон үхэр, гахайн махтай хийдэг энэ сэндвичийг пита талх эсвэл дугуй жижиг талхан дээр махаа тавьж, чинжүүний соус, серби цөцгий асган олгодог.

Бельги

Шарсан мах, шарсан төмсөн дээр майонез асгаж, багет талхан дээр тавьж бэлтгэдэг.

Сингапур

Шарсан талхан дээр кокосын нухаш зузаан түрхээд өндөгний шар, нунтаг элсэн чихрийг холимгоор амталж бэлтгэдэг амтлаг сэндвич. Үүнийгээ өглөөний цайны амттан болгон иддэг. Зураг дээрх сэндвичийг өндөгний шаранд дүрж шаран бэлтгэжээ.

Макао

Макаод энгийн жижиг талхан дээр гахайн мах тавиад идэхийг илүүд үздэг.

Итали

Панини хэмээх итали сэндвич завсарт нь хиам болон бяслаг хавчуулсан хоёр хэрчим талх юм.

Австри

Халуун амттай шарсан зайдсыг сонгино, перец, карригаар амталж, багетан завсар хавчуулж бэлтгэдэг.

Бразил

Бауру хэмээх уламжлалт бразил сэндвич нь франц талх, хайлуулсан бяслаг, улаан лооль, шарсан үхрийн мах, даршилсан өргөст хэмхнээс бүрддэг.

Уругвай

Моцарелла бяслаг, улаан лооль, майонез, хар болон ногоон чидун жимс, ихэвчлэн бэкон, өндөг, хиамтай бэлтгэгддэг.

Орос

Оросын уламжлалт сэндвич нь бяслаг эсвэл зайдастай талх. Баяр болон онцгой тохиолдлуудад цөцгийн тос, улаан түрстэй сэндвичгүй ширээ байдаггүй.