Техник технологийн үсрэнгүй хөгжлийн жишээ бидний өдөр тутмын амьдралд нэвтэрсээр байна. Ухаалаг гар утас, машинуудад өөрчлөлт шинэчлэлт, дэвшилтүүд нэвтэрч, тоног хэрэгслүүд улам бүр хувь хэрэглэгчийн хувийн шинж чанартай уялдан холбогдсоор байна. Тэгвэл бидний амьдарч байгаа орчин, гэр орны тухайд ямар шинэ зүйлс байгаа бол? Бидний гэр орон бол бидний хувийн амьдрах орчин бөгөөд бидний хувийн шинж чанарт шууд нөлөө үзүүлэх учиртай. Мөн бидний амьдралыг улам бүр хөнгөвчилж, амар хялбар, тохь тухтай байлгах хамгийн сүүлийн үеийн тоног төхөөрөмжүүд, хэрэгслүүдийг бид амьдралдаа нэвтрүүлж байх нь зүй. Дараах 15 хэрэгсэл бол хамгийн сүүлийн үеийн ахуйн шилдэг шийдлүүд юм.
1. Lockitron
Lockitron бол гэрийн аюулгүй байдлын ирээдүй. Энэхүү системтэй холбогдсон ухаалаг гар утасны апп-аар дамжуулан гэр бүлийн гишүүний хэн нь гэрт ирж, явж байгааг мөн гэр нь цоожтой эсвэл цоожгүй байгааг хянах боломжтой.
2. Milkmaid
Гэртээ харих замдаа хүнсний дэлгүүрээс сүү авахаа мартсан хэний ч хувьд Milkmaid нь аврагч болох юм. Цахилгаан хэмжигч бүхий сав нь доторх сүү нь хэр хэмжээний байгаа тухай мэдээллийг эзэмшигчийн гар утсанд илгээх ба сүү бага болсон тохиолдолд гар утсанд дохио өгөх аж. Түүнчлэн сүүний pH түвшинг хянах учир сүүний хугацаа дууссан эсэхэд санаа зовох хэрэггүй болох юм байна.
3. Kohler Numi суултуур
Зарим нэгэн гайхалтай технологиудыг агуулсан энэ суултуур бол дэлхийн хамгийн дэвшилтэт суултуур юм. Хөдөлгөөнөөр идэвхждэг суудал болон таг, хөл дулаацуулагч, гарны оролцоогүйгээр бохир цэвэрлэгч, агаар цэвэршүүлэгч бүхий энэ суултуур 6000 долларын үнэтэй.
4. Ухаалаг таваг
Хэдийгээр одоо туршилтын шатандаа яваа ч энэхүү таваг нь бидний идэх хоолны хольц нэг бүртэй хөгжмийн нот шиг л нийцэж ажиллах аж.
5. Hi-Can ор
Орчин үеийн технологийн шилдэг шийдэл болсон энэхүү ор нь харанхуй, нам тайван нойрсох боломжийг үүсгэхийн хамт өндөр чанартай дууны систем, өндөр нягтаршилтай проектор дээр харагдах компьютер болон энтертайнмент консоль зэргээр тоноглогджээ.
6. Cybertecture толь
Өөрийгөө харахаас илүү олон зүйлийг танд харуулах энэ толинд цаг агаарын мэдээ тэргүүтэй өдрийг эхлүүлэхэд хэрэгтэй бусад мэдээллүүдийг харж болно. Мөн өглөөг илүү хөгжилтэй угтах боломжийг олгох янз бүрийн апп-ууд ч бий.
7. Acoustable
Өндөр технологийн дууны системтэй нэгдсэн кофены ширээ. Минималист загвар болон олон талын зориулалт бүхий тавилга хэрэгсэлд дурлагчдад гойд тохирох энэ ширээ ухаалаг гар утастай холбогдож, утсаа цэнэглэхийн зэрэгцээ гайхалтай дуу хөгжим сонсон тухлах боломжийг олгох юм байна.
8. Өөрөө өөрийгөө цэвэрлэгч хөргөгч
Байсхийгээд л хийх шаардлагатай болдог төвөгтэй ажлуудын нэг хөргөгч цэвэрлэх гэдэг ажлыг түүх болгон үлдээх нэгэн хөргөгч бүтээгджээ. Энэхүү хөргөгчний дэлгэцэн дээр хоолны жорууд, нэмж нөөцлөх шаардлагатай хүнсний бүтээгдэхүүнүүдийн мэдээлэл болон бусад зүйлс гэх мэт гарахын хамт өөрөө өөрийгөө цэвэрлэдэг гэдэг нь хамгийн дэвшилтэт тал аж.
9. Memory Coffee-Maker
Гарын хээ танигч бүхий энэхүү кофе чанагч нь тухайн хүний уух дуртай кофег төгс чанаж өгөх чадвартай. Өөрийн гэсэн санах ойдоо хэрэглэгч нэг бүрийн уух дуртай кофены найрлагыг хадгалснаар хүн тус бүрд зориулсан кофег бэлтгэх юм байна.
10. Нано цэцэрлэг
Идэх дуртай ургамал, ногоогоо гэртээ тариалах боломжийг олгох энэхүү нано цэцэрлэг нь олон төрлийн ногоог гэртээ ургуулах, бүрэн хянах боломжтой нөхцлийг хэрэглэгчид бүрдүүлж өгдөг байна.
11. Orbital угаалгын машин
Угаалгын машин чинь ажиллаж байгаа эсэхэд цаг тутамд санаа зовох шаардлагыг үгүй болгосон угаалгын машин. Өөрийн тусгай угаалгын сагснууд нь угаагч дотроос гаргаж аваад буцааж хийх боломжтой юм байна.
12. Combi дэлгэц
Энэхүү HD дэлгэц нь хэвлэгчийн үүргийг давхар гүйцэтгэнэ. Хэрэглэхэд хялбар, орон зайг хэмнэх энэхүү нэгдмэл дэлгэц нь гэрт, албан өрөөнд ч хэрэглэхэд зохимжтой.
13. Нэвт гэрэлтэж харагддаг зурагт
Минималист загварт дурлагчдад зориулсан өөр нэгэн зүйл бол энэхүү ухаалаг, өө сэвгүй, загварлаг зурагт. Ямар ч зочны өрөөг гайхалтай загварлаг болгох энэ зурагтыг үйлдвэрлэхээр Samsung, LG, Hitachi зэрэг хэд хэдэн компаниуд бэлтгэж байна.
14. Давхруудын төлөвлөсөн гэрлийн унтраалга
Өрөө болон давхруудын нэгдсэн гэрлийн унтраалга хаа нэгтээ хүнгүй өрөөнд гэрэл асаалттай байхаас сэргийлнэ.
15. Aeroball
Хэдийгээр туршилт төдий байгаа ч энэхүү төхөөрөмж гэрт байвал зохих хэрэгсэл юм. Таны гэрт энд тэндгүй хөвөх хөөс адил энэхүү бяцхан бөмбөлгүүд тасалгаан доторх агаарыг шүүж цэвэршүүлнэ.
Бахархмаар
Гоё
Ха Ха
Хөөрхөн
Гайхмаар
Харамсалтай
Тэнэглэл
Буруу
