Дэлхийн хамгийн гайхалтай 15 гүүр

Туулах боломжгүй орон зайг дамнан нэг газраас нөгөөд хүргэх гүүрэн гарц нь хүн төрөлхтний амьдралд чухал ач холбогдолтой байгууламжуудын нэг. Дэлхий дээр горхины нэг эргээс нөгөөд хүргэх өчүүхэн жижгээс эхлээд хоёр том уул нурууг холбосон нүсэр том гэхчилэн маш олон гүүр бий. Энэхүү нийтлэл маань дэлхий дээр орших хамгийн гайхалтай, сүрлэг бахдам гүүрнүүдийн тухай өгүүлж байгаа юм.

15. Цинг Ма гүүр: Гонконг /Tsing Ma Bridge/

Дэлхийн уртаараа 9-д ордог энэхүү дүүжин гүүр хоёр хэсэгтэй ба нэгээр нь автомашин байрлаж, нөгөөгөөр нь төмөр зам байрладаг. Дээгүүр нь явган хүний зам байдаггүй ч автомашины 6 эгнээ нь гурав гурваараа хоёр урсгалтай аж.

14. Тауэр бридж: Лондон, Англи /Tower Bridge/

Хөдөлгөөнт хэсэг бүхий энэ дүүжин гүүр Лондонгийн Тамес голын дээгүүр байрладаг. 1894 оны 6-р сарын 30-нд Уэльсийн хунтайжийн нээсэн энэ гүүр Лондон хотын билэг тэмдгүүдийн нэг юм.

13. Нанпу гүүр: Гонконг /Nanpu Bridge/

1991 онд олон нийтийн ашиглалтанд шилжсэн энэ гүүр дэлхийн хэмжээнд уртаараа 57-д ордог кабель тулгууртай гүүр юм.

12. Пуэнте дел Аламиллио гүүр: Испани /Puente del Alamillio Bridge/

Canal de Alfonso XIII ба La Cartuja болон сувгийн нөгөө талд орших арлыг холбодог энэ гүүр 1992 онд нээгдсэн.

11. Ponte Vecchio: Флоренц, Итали /Ponte Vecchio/

Арно голын дээгүүр орших дундад зууны үеийн энэ гүүр нь үнэт эдлэлийн дэлгүүрүүд, гоёл чимэглэл, урлагийн бүтээлийн худалдаачдаараа алдартай. Европын хамгийн эртний хэсэгчилсэн нуман тулгуурт энэ чулуун гүүр нь дэлхийн хоёрдугаар дайны үед Нацистуудын гарт өртөж сүйтгэгдэлгүй үлдсэн юм. Тухайн үед Европын олон байгууламжууд, гүүрнүүд сүйтгэгдсэн билээ.

10. Gateshead Millennium Bridge: Гэйтсхид /Gateshead Millennium Bridge/

Хэлбэрээрээ шалтгаалан Ирмэж буй нүдэн гүүр гэгддэг энэ гүүр нь дэлхийн анхны бөгөөд одоогоор оршиж байгаа цорын ганц хазгай хэлбэрийн гүүр юм.

9. Васко да Гама гүүр: Лисбон, Португал /Vasco da Gama Bridge/

Лисбон хотын ойролцоох Тагус голын дээр байрлах энэ гүүр замын бөглөрлийг бууруулах зорилгоор баригджээ.

8. Жиаозоу Бей гүүр: Чиндао-Хуангдао, Хятад /Jiaozhou Bay Bridge/

Энэхүү гүүр нь усан дээр орших хамгийн урт гүүр буюу 42 м урттай гүүр юм.

7. Бруклин Бридж: Нью Йорк, АНУ /Brooklyn Bridge/

1883 онд нээгдсэн энэ гүүр нь Америкийн хамгийн эртний бөгөөд хамгийн гайхалтай дүүжин гүүр юм. 1964 онд энэ гүүрийг үндэсний түүхэн газар болгожээ.

6. Хендерсоны долгиот гүүр: Сингапур /Henderson Wave Bridge/

Хендерсоны замын дээгүүрх энэхүү явган хүний гүүр нь долгио хэлбэрийн өвөрмөц бүтэцтэй.

5. Банпо гүүр: Сеүл, Өмнөд Солонгос /Banpo Bridge/

Хан голын дээгүүрх энэ гүүр нь дэлхийн хамгийн урт гүүрэн усан оргилуур юм. Энэхүү гүүр нь минутанд 190 тн ус цацдаг 10,000 ЛЕД цоргоороо Гиннесийн дэлхийн дээд амжилтанд бүртгэгджээ.

4. Ченгянг салхи борооны гүүр: Санжианг муж, Хятад /Chengyang Wind and Rain Bridge/

1916 онд солонгыг дүрсэлсэн байдлаар баригдсан энэхүү модон гүүрийг ганц ч хадаасгүйгээр барьсан юм.

3. Juscelino Kubitschek Bridge: Бразил

Ган төмөр нум бүхий энэ гүүр нь явган хүний зам болон дугуйтай хүний замтай.

2. Хеликс гүүр: Марине бей, Сингапур /Helix Bridge/

Энэхүү явган хүний гүүр 2010 онд нээгдсэн бөгөөд олон улсын дизайны багийнхны хамтын хөдөлмөрийн үр дүн юм байна.

1. Millenium Bridge: Лондон

Энэхүү ган төмөр дүүжин гүүр нь анх 100 гаруй жилийн тэртээ явган хүний гүүр хэлбэрээр баригдсанаасаа хойш 2000 онд нээгджээ.

5

Гайхмаар

2

Гоё

2

Бахархмаар

1

Хөөрхөн

0

Ха Ха

0

Харамсалтай

0

Тэнэглэл

0

Буруу

Баярлалаа!