Ажлын ярилцлагын хамгийн шилдэг 3 асуулт

2

Ажлын ярилцлаганд бэлтгэнэ гэдэг хамгийн нерв барсан зүйлсийн нэг гэдэгтэй хүн бүхэн санал нийлэх байх. Олон хүмүүс ажлын ярилцлаганд бэлтгэхэд хэдэн өдрөөс хэдэн долоо хоногийг зарцуулах нь бий. Гэвч үнэндээ яг ямар асуулт ирэх, юу болохыг хэн ч таамаглан тааварлах боломжгүй байдаг. Дэлхийн аж үйлдвэрийн гүйцэтгэлийн мэргэжилтэн, бизнесийн шилдэг борлуулалттай номын зохиогч Бернард Марр ажлын ярилцлаганы талаар нийтлэл бичсэн байна. Тэрбээр “Олонх тохиолдолд бид байж болох асуултуудын уртаас урт жагсаалтыг гаргадаг. Гэвч үүний асуудал нь хэтрүүлэн бэлтгэсэн, урьдчилан таамагласан асуултуудад робот шиг хариулахад хүргэдэг.” гэж бичжээ. Маррын хэлснээр ярилцлагын ердөө гуравхан асуулт байдаг ба энэ гурван асуултанд бэлдсэн байхад бусад бараг бүх асуултанд урьдчилан бэлтгэсэн юм шиг сэтгэгдэл төрүүлэхгүйгээр хариулах, бусад асуултуудтай энэ гурван асуултыг холбон хариулах боломжтой гэнэ.

Ажлын ярилцлагын хамгийн шилдэг 3 асуулт 2
1. Танд ажлыг гүйцэтгэх чадвар, мэргэшил, дадлага туршлага бий юу?

Маррын хэлснээр энэ асуултанд хариулахын тулд та тухайн ажил үүргийг гүйцэтгэхэд танд шаардлагатай байж болох үндсэн чадваруудын талаар бодох, өөрийн дадлага туршлага, мэргэшлийн түвшинг үнэлэх хэрэгтэй аж. Үүнд таныг чадварлаг ажилтан болохыг батлах онцгой болон техникийн чадвар цаашлаад багаар ажиллах, сайн харилцагч байх гэх мэт ерөнхий чадварууд багтах юм байна. Энэ асуултанд бүрэн гүйцэт бэлтгэж чадвал,

  • Та өөрийнхөө тухай яриач
  • Танд бусад өрсөлдөгчдөөс илүү хийж чадах ямар зүйл байна вэ?
  • Таны давуу болон сул тал?
  • Танд яагаад энэ ажил тохирно гэж та бодож байна вэ?
  • Таны бодлоор үндсэн сорилтууд юу байх бол? гэх мэт бусад асуултуудад сайн хариулах боломжтой юм байна.

Ажлын ярилцлагын хамгийн шилдэг 3 асуулт 3
2. Та энэ компани, энэ ажлыг үнэхээр сонирхож байна уу?

Маррын тайлбарлан өгүүлснээр хүний нөөцийн менежерүүдийн мэдэхийг хүсдэг зүйл бол та үнэхээр энэ компани, энэ ажлыг сонирхож байгаа эсэх байдаг гэнэ. Тиймээс юуны түрүүнд та тус компанийг судалж, стратеги, өнөөгийн гүйцэтгэл, бүтэц, зах зээлийн зорилт, бүтээгдэхүүний талаар гүнзгий ойлголттой болсон учир энд ажиллахгүй байж чадахгүй болсноо харуулах хэрэгтэй юм байна. Энэ асуулттай уялдах бусад асуултуудад,

  • Манай компаний тухай та юу мэдэх вэ?
  • Та манай компаний зорилгын талаар та юу гэж бодож байна?
  • Манай бүтээгдэхүүн үйлчилгээний талаар юу мэдэх вэ?
  • Яагаад та манай компанид ажиллахыг хүсэж байна вэ?
  • Энэ ажил танд тохирно гэж яагаад та бодох болов?
  • Таныг энэ ажилд ороход юу нөлөөлсөн бэ? зэрэг асуултууд багтаж байгаа юм байна.

Ажлын ярилцлагын хамгийн шилдэг 3 асуулт 4
3. Та компаний баг, соёлд зохицож чадах уу?

“Сүүлийн асуулт бол таны хувийн зан чанар, шинж төлөвийн тухай асуулт бөгөөд энэ нь таныг тухайн компаний ажлын баг, хамт олон, соёлд зохицож чадах эсэхэд чиглэдэг.” хэмээх Марр хэлжээ. Компани болгон өөрийн соёлтой байдаг ба энэ нь та болоод ажил олгогчийн аль алиных нь хувьд чухал зүйл. Энэ асуулттай үндсэндээ адилхан бусад асуултуудыг жагсаавал,

  • Та өөрийн ажлын хэв маягийг юу гэж тайлбарлах вэ?
  • Та өөрийгөө хэрхэн тодорхойлох вэ?
  • Таныг хамтран ажиллагчид, найз нөхөд чинь хэрхэн тодорхойлдог вэ?
  • Та манай компанид зохицохын тулд юу хийх вэ?
  • Та багийн сайн гишүүн байхын тулд юу хийх вэ?
  • Хэрвээ та амьтан байсан бол ямар амьтан байх байсан бэ? гэх мэт асуултуудыг жагсааж болох аж.

Ажлын ярилцлагын хамгийн шилдэг 3 асуулт 5

9
ХөөрхөнХөөрхөн
6
ГоёГоё
4
БахархмаарБахархмаар
3
ГайхмаарГайхмаар
3
Ха ХаХа Ха
2
ТэнэглэлТэнэглэл
1
БурууБуруу
0
ХарамсалтайХарамсалтай
Баярлалаа!

сэтгэгдэл

  1. Зочин

    2014/05/16 at 13:29

    хэрэгтэй мэдээлэл байна баярлалаа

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй. Required fields are marked *