Согтууруулах төрлийн ундаатай зохицохгүй хүнсний бүтээгдэхүүнүүд

Нийтлэгч: Лука

Огноо: 2017/03/23

Total30
30

Хоосон ходоодон дээрээ архи ууж үзсэн хүн тийм ч таатай зүйл биш гэдгийг биеэрээ мэдэрсэн байдаг. Зарим нэг хүнсний бүтээгдэхүүн архитай нэгдсэнээр бие эрхтэнд улам их сөрөг нөлөө үзүүлэхийг анхаарвал зохино.

Согтууруулах төрлийн ундаатай цуг хэрэглэж болохгүй хүнсний бүтээгдэхүүнийг та бүхэнд танилцуулахаар бэлдлээ.

Түргэн хоол

Эрүүл бус хоол өөрөө элгэнд маш их ачаалал өгдөг бөгөөд согтууруулах төрлийн ундаатай нийлснээр муу нөлөө нь хэд дахин нэмэгдэнэ. Согтууруулах төрлийн ундаа болон түргэн хоол нийлснээр галанин-нейропиптид гэх бодисын ялгаруулалтыг нэмэгдүүлдэг – хоол боловсрох үйл явцын хяналтыг хариуцдаг бодис. Галанин нь өөх тосны хэрэглээг нэмэгдүүлэхэд нөлөөлнө: тийм ч учраас архи ууж байхад өөх тостой хоол идэх сонирхол ихээр төрдөг байна. Ингээд тойрог хэлбэрээр үргэлжлээд л байна даа.

Эх сурвалж: U.S. National Library of Medicine, Popular Science

Хийжүүлсэн ундаа

Америк эрдэмтдийн 2013 онд хийсэн судалгаанаас харахад калори багатай хийжүүлсэн ундаагаар даруулж уусан согтууруулах төрлийн ундаа улам их хордлогонд оруулж байгааг тогтоосон байна. Хордлогын гол шалтгаан нь амтлаг хийжүүлсэн ундаанд сахарын агууламж өндөр байдаг учраас архины цусанд шингэх үйл явцыг удаашруулдаг гэжээ. Нэг талаасаа хийжүүлсэн ундааг уух нь зөв мэт харагдаж байгаа хэдий ч бие дэх сахарын хэмжээ маш ихээр нэмэгдэх тул эрүүл мэндэд хортой болохыг анхаарна уу.

Эх сурвалж: Science Daily, Medical News Today

Давсалсан снекүүд

Бааранд шар айрагны хажууд давсалсан чипс, самар эсвэл шарсан төмс яагаад дагалддаг юм бол гэж бодож байсан уу? Хариулт нь маш энгийн: ам чинь цангаад ирэхээр дахиад уух хүсэл төрнө. Та дахиад л давсалсан самартай шар айраг авна, дахиад л шингэний дутагдалд орно…

Эх сурвалж: Australian Dietary Guidelines

Кофе, энергийн ундаа

Согтууруулах төрлийн ундаа нь мэдрэлийн системийг дарангуйлдаг, харин кофеин агуулсан ундаанууд мэдрэлийн системийг сэргээж өгдөг. Кофеины үйлчилгээг та согтууруулах төрлийн ундааны үйлчилгээг саармагжуулж байна гэж ойлгож болохгүй. Үнэн хэрэгтээ, согтож буй мэдрэмжийг багасгадаг тул хүн өөрийгөө дахин уух чадалтай гэж үзэн нэмж уудаг байна.

Эх сурвалж: Medical Express, The Atlantic

Шээс хөөх хүнсний бүтээгдэхүүн

Согтууруулах төрлийн ундаа – шээс хөөх үйлчилгээтэй буюу өөрөөр хэлбэл, биеэс шингэнийг гадагшлуулах явцыг түргэсгэдэг тул шингэний дутагдалд хүргэдэг. Тийм учраас өөр адил үйлчилгээ үзүүлэх хүнсний бүтээгдэхүүнтэй цуг согтууруулах төрлийн ундаа уухгүй байхыг зөвлөж байна. Яншуй, кориандр, цагаан гаа, цангисийн ундаа, кофе зэрэг олон төрлийн хүнсний бүтээгдэхүүн энэ жагсаалтад багтана.

Эх сурвалж: Medical News Today, My Health Tips