12 сарын 31-нд юу хийж болохгүй вэ?

Ирэх жилдээ амжилттай байхын тулд дараах зүйлсийг бүү хийгээрэй!

Мухар сүсэг хэр зэрэг үнэн байдаг вэ гэдэг дээр маргалдана гэдэг хэцүү. Яах гэж ч зөв буруу гэж маргалдах билээ. Олон зуун жилийн туршид мөрдөгдөж ирсэн зарим бичигдээгүй зан үйлийг ухаанаараа бус сэтгэл зүрхээрээ л хүлээгээд авчихад гэмгүй. Техник технологи хөгжсөн одоо цагт мухар сүсэг бишрэл харин ч хүчээ авч байгаа гэлтэй.

Бид танд 12 сарын 31-нд болон 1 сарын 1-нд юу хийж болохгүй талаар хүргэж байна. Уншигч та эдгээрээс өөрийн үзэл бодол, сэтгэл санаандаа тааруулан сорчилж сонгоод зарим нэгийг нь амьдралдаа хэрэгжүүлнэ бизээ.

• Шинэ жилийг өртэй болон хоосон халаастай угтаж болохгүй.
• Шинэ он гарахаас өмнө болон дараа нь юу юугүй угааж, цэвэрлэж, арчиж зүлгэж болохгүй.
• Шинэ он айлчилж буй шөнө хогоо асгаж болохгүй.
• Цэвэрлээгүй, заваан гэрт шинэ он угтаж авч болохгүй.
• 31-ний орой товч хадаж болохгүй.
• 31-нд болон 1 сарын 1-нд гутал засч эсвэл гутал худалдаж авч болохгүй.
• Он гарахаас өмнө хуучин гутал, хувцсаа хаяж болохгүй.
• Энэ 2 өдөрт уурлаж, хашгирч болохгүй.
• Шинэ оныг ганцаараа угтаж болохгүй.
• Баярын ширээ хоосон байж болохгүй.
• Хоол бэлтгэж байхдаа гараа зүсэхгүй байхыг хичээж, болгоомжтой байгаарай.
• Ширээний ард дан эмэгтэй хүмүүс байж болохгүй (шууд болон шууд бус утгаараа ойлгомжтой л доо).
• Сав суулга нүдэж болохгүй.
• Ямар нэгэн юм эвдэлж хэмхлэхгүй байхыг хичээгээрэй.
• Шинэ жилийн үдэш үсээ засуулж, хумсаа авч болохгүй.
• Шинэ жилийн үдэш үсээ угааж болохгүй.
• Шинэ оныг хуучин хувцастай угтаж болохгүй.
• Хар өнгийн хувцас өмсөж болохгүй.
• Энэ өдрүүдэд ном бэлэглэж болохгүй.
• Хараал хэлж болохгүй.
• Хүслээ шивнэсэн бол хүнд хүслээ хэлж болохгүй.
• Гарч буй оны талаар харамсаж болохгүй.
• Ойр дотныхныгоо үнсэхгүй байж болохгүй.
• Бие биендээ бэлэг бэлэглэхгүй байж болохгүй.
• Уйлж, уйтгарлаж, гуниглаж болохгүй.
• Хамгийн гол нь шинэ оныг угтахгүй байж болохгүй.

Та алийг дагах нь таны л дур. Гэхдээ ид шид, далдын хүчинд итгэхээ боливол ер бусын, гайхамшигтай зүйл таны амьдралд тохиолдохоо больчихдог юм шүү гэдгийг мартаж болохгүй.

Яг одоо уншиж байгаа уншигч танд шинэ жилийн баярын мэнд дэвшүүлж, аз жаргал, эрүүл энх, сайн сайхан бүхнийг манай сайтын зүгээс чин сэтгэлээсээ хүсч байна!

Зүрх сэтгэлдээ буй муу бүхнийг март
Зүггүйтэж алдсан бүхнээ март
Гуниг бүхнээ хуучин онтойгоо үд
Гайхалтай сайхан бүхэн ганцхан энэ онд л ирнэ
Шинэ жилийг амжилт бүтээлтэйгээр угтан авч
Бүтэн жилийн турш тэр бүхнийгээ хадгалаарай.

Улиран одож буй хуучин он танд
Ухаарал баяслыг хайрлаж
Угтан авч буй шинэ он танд
Урам зориг, амжилт бүтээл, аз жаргалын дээдийг бэлэглэг.
Шинэ оны мэндийг хүргэе!
Амжилт бүтээл, аз жаргал, хамгийн сайн сайхан бүхнийг хүсье!

220

Бахархмаар

64

Хөөрхөн

49

Ха Ха

44

Гайхмаар

35

Гоё

25

Тэнэглэл

12

Буруу

12

Харамсалтай

Баярлалаа!