2017 онд нээлтээ хийх хамгийн их хүлээлт үүсгэж буй 10 цуврал

Нийтлэгч: Лука

Огноо: 2016/12/19

Total0
0

Та цуврал, олон ангит кинонд дуртай бол танд энэ нийтлэл зайлшгүй таалагдана. Танд бид 2017 онд гарч эхлэх онц сонирхолтой 10 цувралыг танилцуулж байна.

American Gods

Сүүдэр – өнгөрснөөс ирсэн хүн. Харин одоо тэрээр хайрт эхнэртэйгээ, асуудлаас хол тайван амьдрахыг л хүснэ. Гэвч нэг өдөр тэрээр эхнэрийхээ үхлийг урьдчилж харна. Нил Гейманы энэхүү бүтээл олон хүнд догдлол, хүлээлт үүсгэж буй.

Big Little Lies

Хүүхдийн цэцэрлэг дээр болсон хачирхалтай аллага 3 ээжтэй хэрхэн холбогдож байгаа тухай гарна. Гол дүрд Риз Уизерспун, Николь Кидман нар тоглосон гэдэг нь энэ цувралыг үзэх хангалттай шалтгаан билээ.

A Series of Unfortunate Events

Бодлерын 3 хүүхэд болох Виолет, Клаус болон Нархан нар аймшигт түймрийн дараагаар өнчирч, Олафийн асрамжинд очдог. Цувралыг Лемон Сникетын “33 таагүй явдал” номноос сэдэвлэжээ.

The Mist

Америкийн нэгэн жижиг хотод аянгатай ширүүн бороо орсны дараагаар өтгөн манан буужээ. Харин манантай цуг аймшигт амьтад гарч ирнэ. Тус цувралыг Стивен Кингийн зохиол болон 2007 онд гарсан бүрэн хэмжээний киноноос сэдэвлэсэн ба аймшгийн төрөлд багтана.

Twin Peaks

Твин Пикс хотод 25 жилийн өмнө сургуулийн хатан хаан Лора Палмерыг хөнөөсөн хэрэг гарчээ. Гэвч энэхүү явдал үүгээр дууссангүй. 90-ээд онд гарч байсан цувралын үргэлжлэл тул танд таалагдана гэж найдъя.

Powerless

Супер баатрууд дайсантайгаа тэмцэлдэх үед бэртсэн энгийн иргэдийг асрах ажлыг Эмили хийдэг билээ. Гэвч нэгэн удаа Эмили өөрөө тулаан дунд байж санамсаргүй байдлаар “супер баатар” болох бөгөөд жинхэнэ баатар байхын тулд супер хүч хэрэггүй гэдгийг ойлгоно. Анти-супер баатар гэж тодорхойлж болох энэ цуврал олон хүнд таалагдана гэдэгт итгэлтэй байна.

The Deuce

1970-80-аад оны Манхэттен хотод цэцэглэж хөгжсөн насанд хүрэгчдийн киноны бизнес, ДОХ-ын халдвар, хар тамхины наймаа зэрэгтэй тэмцэх төслийн талаар уг кинонд үзүүлнэ. Голд дүрд Жеймс Франко болон Мэгги Жилленхол нар тоглосон бөгөөд цуврал тэр чигтээ адал явдлаар дүүрэн байх болно.

The Defenders

Жессика Жонс, Люк Кейж боллон Төмөр Нударга нар Нью-Йорк хотод нүүрлэсэн аюулын эсрэг нэгдэн тэмцэнэ. Хэрэв та супер баатрууд, комик зохиолуудад дуртай бол танд тус цувралыг үзэхийг санал болгож байна.

Taboo

1800-гаад оны үед адал явдлын эрэлчин Жеймс Кезиах Делейнин өөрийн усан онгоцны багийг цуглуулдаг. Том Харди тоглосон нь тус киног илүү үзүүштэй болгож байгаа билээ.

Roadside Picnic

Стругацгийн ах дүүсийн зохиосон адил нэртэй номноос сэдэвлэсэн тус кинонд Хармонт хотын ойролцоо саяхан ирсэн харь гаригийн хүмүүсийн талаар гарна. Хэрэв та зөгнөлт киноны донтон бол танд энэхүү кино заавал таалагдана.