Нарийхан бэлхүүс, тэгш хөлтэй болгох усан дасгалууд

Нийтлэгч: Лука

Огноо: 2016/08/19

Total120
120

Зуны цагт сайхан бие галбиртай байхыг бүсгүй хүн бүр мөрөөддөг. Иймд зуны халуун өдрүүдэд голд эсвэл усан санд хийх дасгалуудыг танд санал болгож байна. Эдгээр дасгалыг хийхэд та заавал сэлж чаддаг байх шаардлагагүй.

1. Шидэлт

Энэ дасгал өгзөгний дээд булчинг чангалахад илүү үр дүнтэй

Усанд зогсоод гараа биеийн өмнө авчирч хөлөө дээш өргөнө. Хөлийн хурууны үзүүрээ гарын хуруунд хүргэхийг хичээ. Дасгалыг зүүн, баруун талаар тус бүр 10 удаа хийнэ. Хөлөө өргөхдөө хүчтэй шидсэн байдлаар өргөвөл илүү үр дүнд хүрнэ.

2. Шугам шиг л шулуун

Ажилдаа орохоосоо өмнө нуруугаа тэгшилье

Усанд зогсоод нурууг тэгш, гэдсээ татна. Нурууны булчинг илүү ажиллуулахыг хүсвэл урагш, хойш бөхийж болно.

3. Гар-хайч

Гарын булчинг ажиллуулахаас гадна сайхан пресс болно

Усанд зогсоод хөлөө мөрийн хэмжээтэй тавьж өвдгөөрөө бага зэрэг нугална. Гараа усан дотор хоёр тийш салгаад усан дотроо алгаараа тал бүр тийш сэлүүрдэнэ. 3 өөр тийш тус бүр 10 удаа дасгалыг хийнэ.

4. Усан доторх алхаа

Хэвлий болон өгзөгний булчин чангална

Усанд зогсоод өвдгөө аль болох өндөрт өргөнө. Гараа хоёр тийш салгавал нуруу, цээж болон гарын булчингууд давхар ажиллана.

5. Арагшаа шидэлт

Хөлийн арын булчинг ажиллуулах үр дүнтэй бөгөөд энгийн дасгал

Усанд босоо байрлалд зогсоод хөлөө хойш өргөж хөлийнхөө хурууг өгзгөндөө хүргэхийг хичээнэ.
Суугаа байдалд хийх арга: хөлөө урагш тэгш байдалд байлгана. Гараараа тулж усанд тогтож болно.

6. Бэлхүүс

Гайхалтай пресс болно

Цээжин бие усанд далд байх бөгөөд хөлөө нийлүүлж зогсоно. Гараа ташаандаа авч хоёр тийш бэлхүүсээрээ эргэнэ.

7. Иллэг

Целлюлитээс сална

Алгаа нийлүүлээд эсвэл хуруугаа салаавчлан барина. Гэдсэн дээрээ хүчтэйгээр 10-аас их удаа дарж илнэ. Гэдэсний булчин ачаалал авч байна гэдгээ мэдэртэл дасгалыг хийнэ.

8. Усан доторх үсрэлт

Гэдэсний дотор булчинг ажиллуулах дасгал

Хөлөө нийлүүлж, гарын алгыг доош харуулан хоёр тийш сунгана. Хөлөө салгаж гараа доош тэгш буулгана. Хөлөө нийлүүлж, гараа алгаар нь дээш харуулж өргөнө. Нуруу тэгш. Эхлэх байрлалдаа очиж дасгалыг хийнэ.

9. Эргүүлээд

Дээд талын пресс

Бага гүнтэй усанд сууж гараараа сэлүүрдэнэ. Гараар сэлүүрдэж байхдаа хөлөө өвдгөөр нь нугалж гэдсэндээ авчирна. Хөлөө тал бүр тийш эргэлдүүлнэ. Дасгалыг аль болох олон удаа гүйцэтгэнэ.

Хэрвээ та задгай усанд дасгалыг хийж байгаа бол гүн ус рүү сэлэхгүй байхыг анхаарна уу.