Далай тэнгисийн оньсого таавар мэт 10 нууц

Бидний дэлхийн тухай мэдлэг нь сансар огторгуйгаар хязгаарлагдаж байгаа гэж ярьдаг ч бид эх дэлхийгээсээ холдож чадахгүй л байна. Далай тэнгисийн орон зай бидний хувьд оньсого мэт нууц хэвээр. Далай тэнгис бол хил хязгааргүй, агуу том, гүн нь бидний санаанд ч буух аргагүй гүнзгий.

10. Бимини зам

Бимини замыг мөн Бимини хана гэх нь ч бий, Багамын арлуудын далай тэнгист оршино. Усанд хагас метрийн зайд орших тул шууд харах боломжтой. Зарим нэг чулууны урт нь 6 метр ч хүрнэ. Зарим нэг нь байгалийн үзэгдлийн улмаас өөрөө үүссэн гэх бол, зарим нь хүмүүс өрж тавьсан гэнэ. Нэг л асуулт байгаа юм: усан доогуур зам тавих ямар хэрэг байсан юм бол?

9. Сүүн далай

“Сүүн далай”-н үзэгдэл далай тэнгисийн тодорхой нэг хэсэг өнгөө өөрчилж хөх туяатай сүүн цагаан болж хувирдаг. Энэ үзэгдлийг аюултайд тооцно: далайчид орон зайн баримжаагаа алдаж хоорондоо мөргөлдөх хүртэл осол гарч байжээ. Эрдэмтэд бактеритай холбож тайлбарлаж байгаа хэдий ч усны өнгийг өөрчилж чадах чухам ямар бактери болохыг нь олж тогтоож чадаагүй л байна.

8. Йонагуни пирамид

Энэ гайхалтай эртний пирамидыг Японы Йонагуни арлын орчмоос олж нээжээ. Энэхүү олдворыг египетийн пирамидаас ч өмнө баригдсан байж болзошгүй гэж эрдэмтэд таамаглаад байгаа юм. Ямартай ч усанд өдий хүртэл сайхнаараа хадгалагдаж үлдсэн нь гайхамшиг. Хэрвээ гараар барьсан бол хотын нэг хэсэг байсан байж болно. Тэгэхээр хүмүүс усан дотор амьдарч чадахгүй. Эсвэл … урьд нь амьдардаг байсан юм болов уу? Хүмүүс бариагүй юм болов уу? Хэн мэдэх вэ?

7. Усан доорх хүрхрээ

Гүн ухаантнуудад зориулсан асуулт “Бурхан өөрөө өргөж дийлэхгүй чулуу хийх үү?”, усан доорх хүрхрээ гэж бас юугаа яриад байна вэ гэх болов уу? Байхаар барах уу даа, маш аюултай байгалийн тогтолцоо юм. Хүрхрээний эргэн тойрны урсгал нь бүхэл бүтэн усан онгоцыг ч сүйтгэх аюултай. Одоогоор эрдэмтэд 7 ийм хүрхрээ нээгээд байгаа, нээгээгүй цаана нь хэд ч байгаа юм бүү мэд. Хамгийн том хүрхрээ нь Данийн эрэг хавиар оршдог байна.

6. Усан доорх “тойрог талбай”

Энэ мэт хээ угалзыг харь гаригийнхан л хийсэн гэж хүмүүс ярьцгаадаг. Тэгвэл усан дор хээ угалз байдаг гэхээр танд ямар санагдаж байна? Эндээс харахад харь гаригийнханд хаана хээ угалз зурах нь чухал биш бололтой. Эрдэмтдийн үзэж байгаагаар усан доорх хээ угалзыг загас ямар нэгэн ёс үйлдэж байхдаа зурдаг гэж тайлбарласан. Бас л итгэмээргүй ч гэлээ, одоо яалтай билээ дээ.

5. Бермудын гурвалжин

Бермудын гурвалжаан гэж… Энэ замаар туулах аливаа тээврийн хэрэгслийн хувьд эрсдэлтэй. Өнөө цагт л ярих нь багасаад байгаагаас биш урьд нь маш олон хүнийг айлгадаг байлаа. “Чөтгөрийн гурвалжин” ч гэж нэрлэх энэ газар маш олон усан болон агаарын хөлөг онгоц алга болсон. Зарим хүмүүсийн хэлэхээр энд нөгөө ертөнцөд хүрэх зам бий гэх. Магадгүй худлаа байж мэдэх ч, хэн амьдралаараа турших вэ дээ.

4. Кубын усан доорх хот

Энэ жагсаалтад багтсан үзэгдлүүд нь оньсого мэт, харин кубын усан доорх хотын талаар арай өөр өнцгөөс харах хэрэгтэй болж байна. Кубын эрэг хавьд хотын туурь байдаг, магадгүй Атлантида гэж үнэхээр байсан юм болов уу? Аварга том пирамид, сфинкс бүгд бий. Зарим нэг эрдэмтэд хотод 10,000 жилийн нас өгнө, магадгүй газар хөдлөлтийн улмаас усанд автсан байж болзошгүй. Өөр тайлбар хэлэхэд үнэхээр бэрх.

3. Чөтгөрийн далай

Японы нийслэлээс 100 км орчим байрлах далайн орчин – далайчид энэ газрыг тойрохыг хичээнэ. Чөтгөрийн далайг гатлахаар зориглосон маш олон эрсийн усан онгоц живсэн юм. Хүчтэй далайн шуурга цэлмэг өдөр гэнэтхэн л дэгдэнэ. Ямар ч амьд амьтан байхгүй – загас, шувуу, махчин загас, дельфин аль нь ч байхгүй. Тэгэхээр бидний мэдэхгүй далдын нэгэн зүйл байгааг гэрчилж байна.

2. Усан доорх гэрэлтдэг, эргэлддэг тойрог

Бас л нэг оньсого – Персийн булангийн ойролцоо байрлах гэрэлтэж эргэлддэг тойргууд. Эрдэмтэд үүнийг плактон гэх боловч зарим нэг нь санал нийлэхгүй байгаа. Бидний нууцыг нь тайлж чадаагүй байгаль эхийн бас нэгэн гайхамшигт үзэгдэл болов уу даа.

1. Балтийн тэнгис дэх үл мэдэгдэх нисдэг таваг

Магадгүй хамгийн нууцлаг нь байх. Зарим хүмүүс Балтийн тэнгисийн ёроолд хэвтээ зүгээр л нэг чулуу гэж үзнэ. Харин зарим нь живсэн эртний онгоц гэнэ. Зурагнаас харахад “Оддын дайн”-ы хөлөг онгоц шиг. Уг зүйлийг олж нээсэн судалгааны багийнханы ярьж байгаагаар бол хоёр том баганатай, баганын дотор талд шат гэмээр зүйлтэй. Итгэнэ үү байна уу, ямартай ч бидний хувьд оньсого хэвээр л үлдлээ.

171

Гайхмаар

20

Гоё

11

Тэнэглэл

10

Ха Ха

9

Буруу

4

Хөөрхөн

2

Бахархмаар

2

Харамсалтай

Баярлалаа!