Тасалгааны ямар ч харанхуй газар байсан эдгээр цэцэгс ургасаар байх болно. Цэцэгсийн сайхан нь цэцгийн дэлбээнд бус харин үзэсгэлэнтэй навчинд байгаа юм. Гэрэл гэгээ шаардахгүй ч гэсэн таны тасалгааны агаарыг гайхамшигтай цэвэршүүлэх увдистай.
Калатея буюу тогосон сүүл
Ямар ч өрөөнд тохирох гоё навчтай ургамал, гэхдээ нэг зүйлийг анхаарах хэрэгтэй – нарны шууд тусгалд дургүй. Хагас сүүдэртэй газрыг илүүд үзнэ.
Диффенбахи буюу гундаахай
Бүүдгэр гэрэл энэ цэцэгт тохирно. Цонхны торны наана байрлуулбал бүр ч сайхан ургана, хавар-зуны улиралд навч нь цайвар зөөлөн болж таны өрөөг чимнэ.
Драцена маргината
Ажлын ширээгээ халуун орны ургамлаар чимэх сайхан боломж. Гэхдээ шууд нарны тусгалаас хол тавиарай, сүүдэрт дуртай юм шүү.
Хлорофитум буюу ногоодой
Арчилгаа бага шаарддаг тул их тархсан ургамал. Нарны гэрэлгүйгээр удаан байж чадахаас гадна тасалгааны агаарыг цэвэршүүлдэг.
Гелксин
Жижигхэн зөөлөн навчтай энэ цэцгийг урт цэцгийн хажууд дүүжлэн тавьбал сайхан харагдана. Гэхдээ нэг анхаарах зүйл бий: нялх цэцгийн хажууд бүү тавиарай “алж” мэднэ шүү. Байнга услаад л хааяахан шүршээд байхад ургаад л байна.
Папоротник буюу ойм
Ойм цэцгийн 2000 гаруй төрөл байдаг бөгөөд эдгээр төрлөөр тасалгаагаа чимж болно. Харанхуй газар ургаж чадах ч хуурай байж чаддаггүй халуун орны цэцэг. Навчийг байнга шүршиж услана.
Филодендрон буюу зүрхэн хэлбэрт филодендрон
Маш олон хүн энэ цэцэгт дуртай болов уу. Сүүдэр газарт ургах дуртай, агаар ч сайн цэвэршүүлнэ. Хэтэрхий урт ургуулахгүйн тулд хааяахан богиносгож байгаарай.
Неорегелия
Байгалийн бус гэрэлд дажгүй ургаад байх халуун орны цэцэг, чийгшил ихтэй газар буюу угаалгын өрөөнд гайхалтай ургана.
Спатифиллум буюу нөмөргөнө цэцэг
Услахаа мартдаг, бас тасалгаанд нарны гэрэл тусдаггүй бол энэ цэцэг танд тохирно. Сайхан харагдахын тулд таниас анхаарал нэг их шаардаад байхгүй.
Аглаонема
Муу гэрэлтэй өрөөнд тохирохоос гадна цэцэг анхлан ургуулж байгаа хүмүүст их зүйлийг сургана.
Сансевиерия буюу мөнхрөө
Бараг арчилгаа шаардахгүй гэж хэлж болно. Гэрлийн тусгал ургалтанд нөлөөлөх ч харанхуйд дажгүй ургана.
Аспидистра цэцэг
Сүүдэр, халуун хүйтнийг үл ажран гайхалтай ургана. Удаан ургах тул та тэвчээртэй л хүлээх хэрэгтэй.