Та урьд өмнө нь чизкейк идэж байсан л биз дээ? Бэлэн чизкейк худалдаад авах нэг хэрэг, харин гараа гаргаж сэтгэлээ шингээсэн чизкейк хийх гэхээр маш их орц шаардагдаж таны хүсэл мөрөөдөл унтрах нь бий.
Харин нэгэн япон эзэгтэй YouTube дээр гуравхан орцоор аманд ороод л хайлах амттай чизкейкний жорыг байрлуулсан байна. Та нэг туршаад үзээрэй.
Танд 3 өндөг, 120 г цагаан шоколад, 120 г цөцгийт бяслаг/cream cheese л хэрэгтэй.
Өндөгний шар, цагааныг ялган аваарай. Өндөгний цагаантай савыг хүнсний гялгараар таглаад хөргөгчинд хийнэ.
Шарах шүүгээг 170 хэм хүртэл халаана.
Цагаан шоколадаа саванд хийж халуун усны ууранд хайлуулна.
Бүрэн хайлтал сайтар хутгана.
Хайлуулсан шоколад дээрээ цөцгийт бяслагаа нэмж сайн хутгаарай.
Мөн өндөгний шараа хийж хутгана.
Хөргөгчинд тавьсан өндөгний цагаанаа гарган ирж хөөсөртөл нь миксердээд шоколадтай зуурмаг дээрээ нэмнэ.
Пергаментын цаасаа цөцгийн тосоор тослоод зуурмагаа хийх хэв бэлдэнэ.
Зуурмагаа урьдчилан халаасан шарах шүүгээнд хийж 15 минут болгоно (унтраагаад хэсэг байлгаарай).
Бэлэн болсон чизкейк дээрээ сахарны нунтаг цацаж чимнэ. Хөрсний дараа таваглан тавиад тавтай зооглоорой.
Видео
zochin
2016/03/04 at 10:47
xeden gradust??
Тифани Амор
2016/03/04 at 20:23
Сс хийгээд өгөөч