Алдарт АК бууны шинэ үе

Ак-47, Ак-74 зэрэг өмнөх загвартай гаднах хэлбэрээрээ төстэй боловч АК-12-т хэд хэдэн шинэ техникийн шийдэл бий.

Автоматын бүтэц нилээд өөрчлөгдсөн ба шинэ цохилт-буулгалтын механизм, шинэ замаг, модуль бүтэц (лего тоглоом модуль бүтцийн шилдэг жишээ юм) бүхий энэ буун дээр суурилан 20 гаруй  иргэний болон байлдааны зориулалттай загвар гаргах төлөвлөгөөтэй байгаа гэнэ.
Ганц сумаар  буудах болон автомат буудалт дээр нэмэгдэн 3 сумаар буудах боломж нэмэгдсэн ба замаг зогсох боломж нэмснээр (сум дуусах үед замаг сум татаж авах байдлаар зогсох) буу сумлах хугацаа эрс багасжээ.

Зохион бүтээгчид бууны ашиглалт буюу тохьтой байх нөхцөлд онцгой анхаарсан ба гал хамгаалагч, буудах төрөл, замаг зогсоох зэргийг одоо ганц гараар хийж болно. Цэнэглэх бариулыг баруун, зүүн аль ч талд байрлуулж болох ба хараалах уртасгасан шугам бүхий шинэ механик овоо хараатай болжээ. Нугарч хураагддаг, өндөрсгөж болох шинэ мөрлөгч нь буудалтын явцад мөрөнд ирэх тийрэлтийг багасгах ба үүний үр дүнд сум бөөндөө тусах боломж нэмэгдэнэ.

Шинэ бууны хамгийн их нүдэнд харагдах өөрчлөлт нь түүний олон талын зориулалт буюу универсал байдал юм. Ак-12-т оптик, шөнийн, коллиматор дурангууд, зай хэмжигч, бөмбөг буюу гранат шидэгч, тактикийн гэрэл зэргийг суулгаж, тогтоодог Пиккатиннигийн суурьтай болжээ. Хийн бүлүүр нь бөмбөг шидэгчийг ашиглахад тохирсон ба өөр улсын бөмбөг шидэгчийг ч суурилуулж болохоор хийгдсэн нь энэ бууг цаашид экспортод гаргах төлөвлөгөөтэй байгааг илтгэнэ.

Энэ бүхний хажуугаар автомат буу маань Оросын Холбооны улсын Батлан Хамгаалах Яамнаас тавих бүх л шаардлагыг хангасан ба үйлдвэрлэгч болох Ижмашынхан ямар ч хэмжээний улсын захиалгыг биелүүлэхэд бэлэн гэдгээ мэдэгдсэн байна. Мөн Дотоод Явдлын Яам АК-12-ыг туршиж үзэхээр авах хүсэлтээ илгээжээ.

Янз бүрийн үеийн АК-ын 3 төрөл хоорондоо нилээд ялгаатай ба АК-47 7,62 калибртай байсан бол АК-74 5,45 байдаг. Харин АК-12 дээрх 2 калибрт аль алинд нь тохирдог буюу гол төмрийг тохирох калибрийнхаар солих боломжтой.

Шинэ загвар гарах бүрт буудалтын хурд (600-650-680 буудалт/минут), ашигтай тусгал (800-1000-1100 метр) нэмэгдэж байгаа. Харин АК-12-ын сумны багтаамж нь өмнөх загваруудаасаа 2 дахин их байх боломжтой.

Үргэлж шинийг эрэлхийлж шинэ загвар гаргах гэсэн зүтгэл нь зохион бүтээх сэтгэлгээ болон үйлдвэрлэлийн явц, технологийг шинэ шатанд гаргахад ихээхэн хэрэгтэй ажээ.

Мөн одоо ид явагдаж байгаа туршилтын үр дүн бууны эцсийн хувилбар, түүний цаашдын өөрчлөн сайжруулалтанд нөлөөлөх нь тодорхой бөгөөд Батлан Хамгаалах болон Дотоод явдлын яамны тусгай анги нэгтгэлүүд туршилт хийж байгаа билээ.

8

Гоё

2

Буруу

2

Гайхмаар

1

Бахархмаар

0

Ха Ха

0

Хөөрхөн

0

Харамсалтай

0

Тэнэглэл

Баярлалаа!