Арктик ба Антарктикийн амьдрал

Арктик бол дэлхийн хамгийн хойд хэсэгт оршдог туйлын бүс нутаг, харин Антарктик бол Өмнөд туйлыг багтаасан дэлхийн хамгийн өмнөд үзүүрт орших тив юм. Арктик нь Арктикын далай болон Аляск /АНУ/, Канад, Финлянд, Гринланд /Дани/, Исланд, Норвеги, Орос, Швед зэрэг орнуудын хэсгүүдээс бүрддэг. Модгүй цэвдгээр хүрээлэгдсэн мөсөн бүрхүүл бүхий энэ газрын хамгийн халуун үе нь 7-р сар бөгөөд Цельсийн 10 градус байдаг. Дэлхийн экосистемийн өвөрмөц газар болох энэ газарт Арктикын уугуул хүмүүс амьдардаг ба Арктикын мөсөнд зоопланктон, фитопланктон гэсэн организмууд түүнчлэн загас, далайн амьтад, шувууд, эх газрын амьтад амьдарч, ургамал ургадаг.

Ази, Африк, Умард болон Өмнөд Америкийн дараагаар 5-д бичигдэх хамгийн том тив болох Антарктикын хувьд газар нутгийнх нь 98 хувь дунджаар 1,9 км зузаан мөсөөр хучигдсан байдаг. Дэлхийн хамгийн хүйтэн, хамгийн хуурай, хамгийн салхитай энэ тивд агаарын температур Цельсийн -89 хэм хүртэл унадаг. Байнгын хүн оршин суудаггүй ч судалгааны ажлаар жилийн туршид 1000-5000 хүн суурьшдаг энэ газарт олон төрлийн замаг, бактери, мөөгөнцөр, ургамал, нэг эст махбодь, хачиг, хялгасан хорхой, оцон шувууд, далайн хав зэрэг тодорхой төрлийн амьт биет байдаг аж. Мөс цасан бүрхүүлтэй энэ хоёр газрын төрх байдал, адгуус амьтдын зургуудыг үзэгчиддээ толилуулъя.

15

Гоё

4

Бахархмаар

2

Буруу

2

Тэнэглэл

1

Харамсалтай

1

Ха Ха

1

Хөөрхөн

0

Гайхмаар

Баярлалаа!