Судас цэвэрлэх 5 хүнсний бүтээгдэхүүн

Эрүүл зүрхтэй байхыг хүсвэл зөв хооллоорой. Зүрх эрүүл байхын тулд судасны хана цэвэр байх ёстой буюу элдэв холестеринээр дүүрээгүй байх хэрэгтэй. Хэрвээ энэ асуудалтай тулгараад байгаа бол дараах хүнсний бүтээгдэхүүний тусламжтайгаар судасны ханаа цэвэршүүлж болно.

1. Анар жимс

АНУ-ын Шинжлэх ухааны үндэсний академийн албан ёсны сэтгүүлд нийтлэгдсэн нэгэн нийтлэлд гранат буюу анар жимсний тухай дурджээ: уг жимсэнд маш их хэмжээний полифенолв, витамин С, өөх тосны хүчил агуулагддаг байна. Судасны ханаар дамжих цусны эргэлтийг сайжруулахаас гадна улаан бөөмийг нэмэгдүүлдэг.

2. Сармис

Сармис – артерийг цэвэрлэх хамгийн шилдэг бүтээгдэхүүн бөгөөд хүн болгонд хүртээмжтэй хүнс. Германд хийсэн нэгэн туршилтаар байнга сармис хэрэглэхэд муу холестериний хэмжээг бууруулж, зүрхний хэвийн үйл ажиллагаанд нөлөөлж байгааг нотложээ. Өндөр настай хүмүүс түлхүү хэрэглэхийг зөвлөсөн байна.

3. Яргай загас

Яргай загас – цусны ханыг цэвэрлэх амттай бөгөөд үр дүнтэй хүнс. Уг загасны мах нь омега-3 агуулах бөгөөд зүрхний цусан хангамжийг нэмэгдүүлж, судасны хананд хуримтлагдсан холестеренийг гадагшлуулах үүрэг гүйцэтгэнэ.

4. Куркума

Энэ гайхамшигтай амтлагч таныг өвчнөөс сэргийлнэ. Уг амтлагчинд орсон куркумин – биеийг эрүүлжүүлэх увдистай, ялангуяа судасны ханыг үрэвслээс хамгаалдаг ажээ.

5. Оливийн тос

Антиоксидант, муу холестериний хэмжээг багасгаж сайн чанарын холестеринийг нэмэгдүүлдэг. Байнга хэрэглэснээр судасны хана хатуурахаас урьдчилан сэргийлэхээс гадна зүрхний шигдээсээр өвчлөх эрсдэлийг багасгана.

18

Хөөрхөн

9

Гоё

6

Гайхмаар

5

Бахархмаар

4

Буруу

1

Тэнэглэл

1

Харамсалтай

1

Ха Ха

Баярлалаа!